“ХӨДӨЛМӨРИЙН АЮУЛГҮЙ БАЙДАЛ ЭРҮҮЛ АХУЙ – 2017” САРЫН АЯНЫГ ЭХЛҮҮЛЛЭЭ

ХАБЭА-н хуулийг хэрэгжүүлэх, Хөдөлмөр нийгмийн хамгааллын яамтай аймгийн Засаг даргын байгуулсан үр дүнгийн гэрээнй хүрээнд “Хөдөлмөрийн аюулгүй байдал эрүүл ахуй-2017” нэг сарын аяныг эхлүүллээ. Өмнөговь аймгийн 15 сум, бүх албан байгууллагууд хамтран оролцож байна.

Хөдөлмөрийн аюулгүй байдал эрүүл ахуй хариуцсан мэргэжилтний орон тоог байгууллагуудад бий болгохын зэрэгцээ орон нутагтаа ХАБЭА-н мэргэжилтнүүдийг сургаж бэлтгэж байгааг албаны хүмүүс онцолж байлаа. Мөн энэ сарыг ХАБЭА-н сар болгон зарласантай холбоотой мэдээ мэдээлэл солилцох, сургалт, сурталчилгааны ажлуудыг хийж хэрэгжүүлэхээр бэлтгэлийг хангажээ.

Түүнчлэн аяны нээлтийн үеэр хөдөлмөрийн аюулгүй байдлыг хангаж ажилладаг Бүсийн оношилгоо эмчилгээний төв, Даланзадгад дулааны цахилгаан станц, Өмнөд бүсийн цахилгаан түгээх сүлжээ ТӨХК-ийг шагнаж урамшууллаа.