Хар тамхи хэрэглэн мансуурч бусдын машиныг эвдэж танхайрчээ

Чингэлтэй дүүргийн гуравдугаар хорооны нутаг дэвсгэр, “Урт цагааны авто зогсоолын орчим согтуу хүн танхайраад байна” гэх дуудлага мэдээлэл өчигдөр цагдаагийн байгууллагад иржээ.

Мэдээллийн дагуу алба хаагчид очиж шалгахад Сүхбаатар дүүргийн зургадугаар хороонд оршин суух 39 настай эрэгтэй Г гэгч нь Баянгол дүүргийн долдугаар хороонд суух 47 настай эрэгтэй С-ийн  “Toyoto Estima” автомашины толийг эвдэж танхайрсан байжээ. Тэрээр эл үйлдлийг хийхдээ “Каннабас” хэмээх хар тамхины төрлийн бодис агуулсан өвс татаж мансуурсан байсан аж. Хэргийг Чингэлтэй дүүргийн цагдаагийн нэгдүгээр хэлтэст шалгаж байна.