МЗХ “Тэргүүний залуу эмч” шагналаараа эмч нарыг шагналаа

Дэлхийн эмч нарын өдрийг тохиолдуулан хүн амынхаа эрүүл мэндийг сахин хамгаалах ариун үйлсэд мэдлэг оюун, авьяас чадвар, хүч хөдөлмөрөө зориулан ажиллаж байгаа тэргүүний залуу эмч нарыг дэмжих, урамшуулах зорилгоор МЗХ-оос өнөөдөр залуу эмч нарыг хүлээн авч, хүндэтгэл үзүүллээ.

Энэ үеэр АШУҮИС-ийн хэвтэн эмчлүүлэх тасгийн эрхлэгч, магистр И.Алтантуяа болон МУ-ын ахлах зэргийн эмч, магистр, уушгины их эмч Ж.Түвшинбаяр нарыг МЗХ-ны “Тэргүүний Залуу эмч” цол тэмдгээр шагнасныг МЗХ-ны Нарийн бичгийн дарга Б.Эрдэнэбат, МЗХ-ны дэргэдэх Эрүүл мэндийн корпорацийн захирал Ц.Буджав нар гардуулсан юм.

МЗХ-ны Нарийн бичгийн дарга Б.Эрдэнэбат хэлэхдээ ” МЗХ 2016 онд “Оны тэргүүний алтан гарт эмч” нарыг шалгаруулах үйл ажиллагааг зохион байгуулсан билээ. Бид яг энэ цаг үед хийж бүтээж байгаа, хүний алтан амийг аварч, эрүүл мэндийн манаад цаг наргүй зогсож байдаг залуу эмч нараа шагнаж урамшуулахыг зорьсон юм. Мөн МЗХ-оос “Тэргүүний залуу эмч” шагналыг өнгөрсөн онд бий болгосон бөгөөд энэ нь эрүүл мэндийн салбарыхны хувьд нэр хүндтэй шагнал байх болно гэдэгт эргэлзэхгүй байна. Нийт эмч нартаа баярын мэнд хүргэе” хэмээн онцолсон юм.

Та бүхэнд МЗХ-ны “Тэргүүний залуу эмч” шагналаар шагнагдсан эмч нарын товч танилцуулгийг хүргэж байна.

АШУҮИС-ийн хэвтэн эмчлүүлэх тасгийн эрхлэгч, магистр И.Алтантуяа

2002 – Нийслэлийн 77-р сургуулийг төгссөн

2002 – 2008 – АШУҮИС-ийг Хүний их эмчээр бакалаврын зэрэгтэй төгссөн

2008 – 2009- Баянгол дүүргийн “Эрхэм жаргалан” өрхийн эмнэлэг

2009 – 2011- АШУҮИС-д дотрын эмчээр мэргэшсэн

2012 – 2013 – АШУҮИС-д ходоод, элэг, цөс, дурангаар төрөлжсөн нарийн мэргэжил эзэмшсэн

2012 – 2014 – АШУҮИС-д магистр зэрэг хамгаалсан

2014 оноос “Вирус, гепатит, чихрийн шижин, хавдрын үеийн элэгний үеийн бүтэц үйл ажиллагааны өөрчлөлтийг судлах нь сэдвээр анагаах ухааны докторын зэрэг хамгаалахаар ажиллаж байна

МУ-ын ахлах зэргийн эмч, магистр, уушгины их эмч, Ж.Түвшинбаяр

1999 – Нийслэлийн 6-р сургуулийн төгссөн

2005 – Нийслэлийн яаралтай тусламжийн төвд хүний их эмч

П.Н.Шастины нэрэмжит Улсын гуравдугаар төв эмнэлгийн дотрын тавдугаар тасагт уушгины нарийн мэргэжлийн эмчээр ажиллаж байсан.

“Ачтан элит” эмнэлгийн уушигны тасгийн эрхлэгч

2014 оноос Улсын хоёрдугаар төв эмнэлэг

Баянзүрх дүүргийн нэгдсэн эмнэлэг

Улаанбаатар төмөр замын нэгдсэн эмнэлгүүдэд ажиллаж байсан.

Мөн хавдрын оношлогоо, эмчилгээ, хавдрын эсийн шинжилгээг дагнан хийдэг “Brilliant” эмнэлгийг үүсгэн байгуулан, амжилттай удирдан ажиллуулж байна.