Яг түүн шиг шоуны оролцогчдыг зарлалаа

“Яг түүн шиг” шоуны хоёрдугаар улирлын талаар мэдээлэл өгөх хэвлэлийн хурал боллоо.

“Боловсрол суваг” ТВ-ийн гүйцэтгэх захирал Н.Мэндбаяр “Юуны түрүүнд шүүгчдийн бүрэлдэхүүнд өөрчлөлт оруулсныг хэлэв. Өнгөрсөн шоуны 8 оролцогч маш чадварлаг, хүчтэй өрсөлдөгчид байсан. Энэ удаад маш хүчтэй, эрчтэй залуусыг сонгосон байгаа” гэлээ.

Шинэ улирлын нэвтрүүлгийг дөрөвдүгээр сарын 2-ны өдрөөс эхлэн цацах бөгөөд шоуны шагналын сан, онооны зарчим зэрэг зохион байгуулалтууд хэвээрээ байгаа гэдгийг дуулгав. Зохион байгуулагчдын зүгээс 7 оролцогчийг танилцуулсан бөгөөд найм дахь оролцогчийг нууц хэвээр үлдээв.

Оролцогчид:

Дуучин Мэдэ буюу Г.Мэнд-Амар
Дуучин А.Хишигдалай
Жүжигчин Т.Бархүү
Жүжигчин Б.Ариунцэцэг
Дуучин С.Гантогоо
Төгөлдөр хуурч С.Алимаа
Дуучин Б.Халиун