Л.Жеймсын бас нэгэн рекорд

Л.Жеймс лигт орж ирсэн цагаасаа хойш “нас залуу” гэсэн олон амжилтыг эвдсэн. Зодог тайлахаасаа өмнө 38.387 буюу бүх цаг үеийн хамгийн өндөр онооны рекордыг эвдэнэ гэсэн зорилго тавьсан байгаа тэрээр одоогийн байдлаар 28.482 оноо аваад байгаа.

Мөн одоо тоглож буй тамирчдаас 24 нас хүрэхээсээ өмнө нэг тоглолтонд хамгийн олон удаа 45+ оноо авчээ. Л.Жеймс 15 удаа энэ үзүүлэлтэнд хүрсэн бол К.Дюрант 8, В.Картер, Э.Дэвис 5, К.Энтони, К.Ирвинг 4, М.Эллис, Ж.Харден 2, Ж.Кроуфорд, С.Карри, Б.Гриффин, Д.Ховард, Б.Женнингс, К.Лав, В.Оладипо, П.Пирс, Н.Робинсон, Т.Росс, Ж.Ар Смит, Ж.Терри, К.Томпсон, К.Э.Таунс, Ч.Вилланева, Д.Уэйд, Ж.Уолл, Р.Уэстбрук, Э.Уиггинс нар 1 удаа гэсэн тоо гарч байна.

Л.Жеймс 1984 оны арванхоёрдугаар сарын 30-нд Охио мужийн Акрон хотод төрсөн. 2003 оны алдарт драфтын эхний бүсийн нэг дэх сонголтоор “Клевлэнд Кавалейрс”-т ирсэн.

Тэр цагаас хойш гурван удаа лигийн аварга, финалын үнэ цэнэтэй тоглогч, дөрвөн удаа улирлын үнэ цэнэтэй тоглогч, 13 удаагийн бүх оддын тоглолтын гишүүн, хоёр удаа үнэ цэнэтэй тоглогчоор, 2008 оны улирлын онооны лидер тоглогч зэрэг маш олон шагналын эзэн болсон юм.

photonews.mn