АЖ АХУЙ НЭГЖҮҮДЭЭ ДЭМЖИЖ АЖИЛЛАНА

Даланзадгад суманд үйл ажиллагаа явуулдаг “Өнөд өвлөх урлахуй” ХХК гэхээсээ илүү Даланбулаг цэвэр усны газар гэвэл хүн бүр мэддэг энэ хүнсний үйлдвэрийн үйл ажиллагаатай аймгийн ИТХ-ын дарга Х.Сугир, Засаг дарга Н.Наранбаатар, ЗДТГ-ын дарга Ө.Баянмөнх, ХОХБТХ-ийн дарга Ж.Сүх-Эрдэнэ, Даланзадгад сумын ИТХ-ын дарга Т.Мэндээ нар газар дээр нь очиж танилцлаа.

Ц.Энхтүвшин захирал одоогоос 9 жилийн өмнө таван хүнтэй тус үйлдвэрийнхээ эх суурийг тавьж байсан бол өнөөдөр 30 гаруй ажилтантай болж барилга байгууламжаа өргөжүүлэн цэвэр ус, банш, бууз, даршилсан хөмүүл, чөмөгний тос, кимчи гэх зэрэг 9 төрлийн бүтээгдэхүүн үйлдвэрлэж хэрэглэгч түмэндээ хүргэж байна.

Тус үйлдвэрийн газартай танилцсан дарга нар хэлэхдээ “Хийсэн ажилтай, харуулах зүйлстэй, олон хүнийг ажлын байраар хангаж байгаа аж ахуйн нэгжүүдээ боломжоороо дэмжиж ажиллана” гэв.