Ц.Жанлав тэргүүтэй МАН-ынхан Дорнодыг там болгож байна гэнэ

Түүний гар хөл бологчдыг аймгийн Засаг даргын орлогч Л.Хишигтогтох, МАН-ын дэд дарга М.Бадамсүрэн, ХАҮТ-ын дарга Р.Зоригтбаатар, ИТХ-ын дарга Н.Хүрэлбаатар нар тэргүүлдэг аж-

Нэгэн цагт дайны шуурга дэгдэж явсан Дорнодын уудам нутагт өдгөө Ц.Жанлав болон МАН-ын нөхдийн хууль бус үйлдлүүд ёстой л дайн шиг дэгдээж байна гэх сургаар чих тавибал баттай эх сурвалж доорхи зүйлсийг дуулгалаа. Ц.Жанлавыг өөрийн “Жадав” компани болон Улаанбаатарт байдаг орон сууцуудаа Хөрөнгө орлогын мэдүүлэгт өгөлгүй нуун, АТГ-ынханд шалгагдан улайж байсан гэхээр уншигч олон санах байх.
Тэрбээр авилга аваад зогсохгүй, ард иргэдийг ажилд авахдаа нам харгалздаг, элдэв төсөл, тендерийн сонгон шалгаруулалтад орж буй компаниудаас хувь авдаг гэхчлэн  хууль сахиулахдаа биш хууль завхруулахдаа гарамгай гэж дорнодчууд шивэр авир гэлцэх юм. Түүний бусармаг үйл ажил­ла­гаа, хуулийг хэрхэн гууль болгож байгаа ноцтой явд­лууд дэлгэгдэж эхэллээ.

Бид өнгөрсөн долоо хоногт Ц.Жан­лав даргын “Дорнод Бөхийн өргөө” болон түүнийг тойрсон хууль бус үйлдлүүдийн талаар, мөн “Олон улсын анхдугаар чуулганыг зохион байгуулах тухай” А/77 тоот захирамж гар­ган 20 сая төгрөг хувьдаа завш­сан тухай мэдээлж байсан. Тэг­вэл одоо түүний зарим нэг бул­хай луйвраас илчлэхээс өөр арга алга. Нутаг зоных нь хүсэлт учраас тэр шүү дээ. Хам­гийн гол нь энэ булхай луйв­рууд нь ганцхан Ц.Жанлав дар­гынх гэхээсээ илүүтэй хөдөө аймгийг завхруулах МАН-ын бодлого яваад байна уу даа гэсэн хардлага ч Дорнодын иргэд дунд байгааг дуулгахад илүүдэхгүй биз ээ.
Түүний гар хөл, утсан хүү­хэлдэй бологчдыг Аймгийн За­­саг даргын орлогч Л.Хишиг­тогтох, Аймгийн МАН-ын дэд дарга М.Бадамсүрэн, ХАҮТ-ын дарга Р.Зоригтбаатар, Аймгийн ИТХ-ын дарга Н.Хүрэлбаатар нар тэргүүлдэг аж. Цаашлаад эднийх нь гар хөл бологчид ч цөөнгүй бий гэнэ. Газрын тосны компанийн үйлдвэрлэлийн бааз руу татаж байгаа өндөр хүч­­дэлийн шугамын бетонон ба­га­на нийлүүлэх хэдэн тэрбу­мын ажлыг ямар ч сонгон шал­гаруулалтгүйгээр өөрийн “Жа­дав” компани дээрээ авсан гэнэ. Тэр ч утгаараа газрын тосны тухай аливаа асуудал хэлэлцэх гэхээр амаа үдүүлсэн мэт суудаг. Яагаав өнөөх Дорнодын “Дачин Тамсаг”-ийн асуудал улс даяар босоход мань эр сүүлээ хавчаад зугтаагүй юу.
Тэрбээр 2011 оны аравдугаар сарын 13-ны өдөр “Орон сууц­ны хотхон, хороолол барих зо­риулалтаар газар эзэмшүүлэх эр­хийн гэрчилгээ олгох тухай ” А/290 тоот захирамж гаргажээ. Үүнд Хэрлэн сумын 10 дугаар багийн нутаг  Ус, цаг уур орчны шинжилгээний албаны зүүн талд “Орон сууцны хотхон, хо­роолол барих зориулалтаар 1,5 га газрыг “Дорнын их бур­хант”, Зэвсэгт хүчний 327 ду­гаар ангийн хашааны зүүн талд 1500 м.кв. газрыг “ШДМ”, 1500 м.кв. газрыг “ДОЦ”, 1500 м.кв. газрыг “Цог-Октаэдр” ком­­паниудад эзэмшүүлэхээр шийд­­вэрлэжээ. Энэ нь бас л асуу­­далтай. Эдгээр газрууд нь бүг­дээрээ аймаг, сумын ИТХ-аас батлагддаг газар зохион бай­гуулалтын төлөвлөгөөнд огт тус­гагдаагүй, төлөвлөгдөөгүй газ­рыг эрх мэдлээ илтэд хэт­рүүлэн ашиглан олгосноос гад­на олон нийтэд зарлаж мэ­дэг­дэлгүйгээр, сонгон шалга­руу­­лалт явуулж дуудлага худал­даанд оруулалгүйгээр захирамж гаргаж олгосон байна.
Эдгээр газрыг хууль бусаар эзэмшигчид нь “Дорнын их бурхант” ХХК-ийн захирал Э.Адъяа, үүсгэн байгуулагчид нь “Номин Хэрлэн” ХХК-ийн за­хи­рал Э.Болдбаяр, аймгийн ир­гэ­дийн хуралд МАН-ыг тө­лөөлж суудаг Р.Зоригтбаатар, Айм­гийн ерөнхий архитектур Э.Од­мандах, МАН-ын гишүүн О.Энхболд ТВ6 телевизийн захи­рал Ц.Болд-Эрдэнэ нар. Энэ телевиз нь Ц.Жанлав дар­гын хувийнх юм гэсэн. Түүнч­лэн хууль бус газар эзэм­шигчид нь О.Баярбаатар, Т.Ган­тулга  С.Чинзориг, “ШДМ” ХХК-ийн захирал, аймгийн ИТХ-ын төлөөлөгч М.Бас-Эрдэнэ, “Цог-Октаэдр” ХХК-ийн захирал н.Цогбаяр, “ДОЦ” ХХК-ийн за­хирал ИТХ-ын тө­лөө­лөгч асан Базаргүр гэсэн нөх­дүүд да­вуу эрх эдлэн сууж бай­гааг дуул­галаа. Энэ хүмүүс бүг­дээ­рээ МАН-ын гишүүд бөгөөд Ц.Жан­лавын гар хөл бологсод, хамт­ран луйврын бизнес эрхлэгчид нь гэнэ.
Нэгэнтээ аймгийнхаа хамаг өн­гөтэй өөдтэй газрыг на­мын­­­хаа нөхдүүдэд авлигын шинж­тэй өгсөн Ц.Жанлав 2011 оны тавдугаар сарын 26-ны өдөр “Газар эзэмших эр­хийн гэрчилгээ олгох тухай” А/155 тоот захирамж дахин гар­гажээ. Энэ нь ямар ч сон­гон шалгаруулалт, дуудлага ху­дал­даагүйгээр шууд л автома­таар олгосон байна. Мэдээж МАН-ын гишүүдэд олгосон нь то­дорхой. Тус захирамжиндаа Хэр­лэн сумын долдугаар ба­гийн нутаг орон сууцны 36, 37 дугаар байрны урд 1062 м.кв. газ­рыг 95 айлын орон сууц ба­рих зориулалтаар барилга барьж дуустал “Цог-Октаэдр” ХХК-д эзэмшүүлсүгэй гэсэн бай­на.

Нөгөө л МАН-ын гишүүн н.Цогбаяр нь тус газрыг эзэм­шихээр болж таарч байгаа юм. Тэр­бээр саяхан МАН-д эллсэн бө­гөөд ирэх орон нутгийн сон­гуулиар Хэрлэн сумын 2, 3 дугаар багт нэр дэвшихээр горьд­лого өвөрлөж яваа су­рагтай. Энэхүү луйврын газ­руудынхаа нэгэн дээр нь барь­сан “Бумбат” хорооллыг нь ард олон “БОЛНО ДОО” хороолол гэдэг аж. Энэ нь өөрийнх нь хэлсэн үгнээс үүдэлтэй гэх. Учир нь тэр хорооллыг барьж дуус­чихаад “За даа энэ хэдэн барилга, энэ хэдэн айлдаа л “Болно доо” хөөрхий. Миний хувьд ч яахав гайгүй хэдэн төг­рөг оллоо. Наддаа л болсон доо” хэ­мээсэн гэдэг.

Түүнээс хойш л хүмүүс тус хорооллыг “БОЛНО ДОО” хэмээн нэрийдсэн аж.
Гэтэл бас Дорнодын засаг ноён 2011 оны дөрөвдүгээр са­рын 11-ний өдөр “Дэмжлэг үзүү­лэх тухай” А/106 тоот захи­рамж гаргасан байна. Энэ нь 2010 оны зудын улмаас олон тол­гой малаа алдсан Р.Ганхуяг дар­гатай “Дорнод галуут” хор­шоонд 10.000.000 төгрөгийн дэмж­лэг үзүүлсэн баримт. Эн­гийн иргэд 2009-2010 оны зуд бо­лон гамшгийн улмаас олон тол­гой малаа  алдаж байхад нү­дэн балай чихэн дүлий сууж байсан атлаа өөрийнх нь на­мын идэвхтэй ахмад гишүүн Р.Ганхуягт арав, хорин саяар нь олгосон баримтыг хүртэл ард олон нь дэлгэв.
Мөн Ц.Жанлавын ардчиллаас урвуулж авсан аймгийн ИТХ-д төлөөлөгч тэргүүлэгч сон­гууль­тай Х.Болорчулуун нь Дорнод гурилын үйлдвэрийг хувьчилж ав­сан бөгөөд ХХААХҮ-ийн сайд Т.Бадамжунайтай нийл­дэг гэнэ. Тэр утгаараа тариа будааны хөнгөлөлтийг хангалт­т­ай эдэлдэг юм байх. Ямартай л импортоор будаа оруулж ирээд  Дорнод нутгийн хөрсөнд ургуул­лаа хэмээн мөнгө босгодог заль­тай нэгэн бөгөөд төсвийн хө­рөнгөөр өөрийнхөө тариан талбай руу цахилгааны шугам та­туулах шийдвэр гаргуулж бай­жээ гээд Дорнод нутгийг завх­руулж байгаа луйварчдын ту­хай нутгийн иргэд санаа зов­нин ярьцгааж байна.

С.Ууганбаяр

mminfo