Ким Кардашян нөхрөөсөө салжээ

Холливудын үзэсгэлэнт бүсгүй Ким Кардашян хуримнаасаа 72 өдрийн дараа гэр бүлээ цуцлуулахаар шийдсэн байна.

Одоогоор К.Кардашян нөхрөөсөө тусдаа амьдарч эхэлсэн бөгөөд гэр бүлээ албан ёсоор цуцлуулаагүй байгаа аж. Тэрбээр өнгөрөгч наймдугаар сард NВА-гийн “Нью Жерси Нетс” багийн тамирчин Крис Хамфристай Калифорни мужийн Санта Барбара хотын ойролцоох хувийн эдлэнд нижгэр хурим хийсэн юм.

Тэдний хуримд К.Кардашяны найзууд болох Линдсей Лохан, Аврил Лавин, Эва Лонгориа нарын одод оролцсон. Одуудын салах болсон шалтгаан хараахан тодорхой бус байгаа ч 31 настай К.Кардашян ийм шийдвэр гаргасан гэдэг нь тодорхой болжээ.

Өдгөө 26 настай К.Хамфрис К.Кардашянтай өнгөрөгч оноос болзож энэ оны тавдугаар сард сүй тавьсан юм.

Уг гэрлэлт Крисийн анхны гэрлэлт бол Кимийн хоёр дахь гэрлэлт байв. Ким 2003 онд хөгжмийн найруулагч Дэймон Томасаас гэр бүлээ цуцлуулж байжээ.