Барселона түүх бүтээлээ

Испанийн алдарт Барселона клуб Аваргуудын лигийн хасагдах шатанд өрсөлдөгчийнхөө хаалганд 6 гоол оруулж ялалт байгуулснаар түүхэн амжилтын эзэд боллоо. Тэд өмнөх шатанд Парис Сэйнт Жермейн клубын талбайд 4:0-ээр ялагдсан.

Гэсэн ч каталончууд алдарт Камп Ноу цэнгэлдэхдээ супер эргэн ирэлт хийж, 6:1-ээр хожил байгуулснаар хоёр тоглолтын нийлбэр дүнгээр 6:5-аар шөвгийн наймд шалгарч үлдээд байна. Парисын баг гэлтгүй хөлбөмбөг сонирхогчид Барселонаг тоглолтын хувь заяаг эргүүлэх нь маш хэцүү гэж таамаглаж байсан ч Месси, Неймар тэргүүтэй Испанийн баг асар хүнд байдлаас ялалт авч чадлаа.

Суарес 3 дахь минутад гоол оруулснаар талбайн эздийн шуурган довтолгоон эцсийн шүгэл дуугарах мөч хүртэл завсарлаагүй гэхэд болно. Месси, Неймар, Роберто нар тус бүр багийнхаа төлөө гоолдож, зочин багийн Курзав авто гоол оруулсан гэхчлэн үлгэрийн гэмээр тоглолтыг Испанийн баг үзүүллээ.