Таваарын үнийн жингүйдэл

Зэсийн үнэд энэ онд огцом өсөлт ажиглагдахгүй

Таваарын үнэ ёроолоос өндийнө. Үнийн хүснэгтийн доод цэгт шигдсэн түүхий эдийн ханш энэ оноос эргэн сэргэнэ гэж Дэлхийн банк дэнсэлж байна. Тус банкны шилдгүүдээс бүрдсэн шинжээчдийн баг 2017 оны таваарын зах зээлийн төлөвийг танилцууллаа. Улирал тутам гаргадаг уг тайлангийн энэ оны эхний тоймыг уншигч танд хүргэе.

Товчхондоо, таваарын зах зээлд үнийн жингүйдэл эцэслэж, өсөлтийн жил ирэх нь. Ийм дүр зураг шинэ тоймоос тодорхой харагдаж байна. Дэлхийн банкны ахлах эдийн засагч Жонн Ваффис энэ оныг өсөлтийн зам гэж тодорхойлсон. Үүнийгээ ч үнэн болохыг баталсан хэд хэдэн үндэслэл дэлгэв.

Манай экспортын нэг тулгуур зэсийн үнэд огцом өсөлт ажиглагдахгүй. Үнэ тогтоогч зах зээл тэнцвэрээ хараахан олоогүй. Нийлүүлэлтийн илүүдэлтэй хэвээр байна. Тиймээс шаргал металлын өнгө бүүдгэр байна гэж шинжээчид дүгнэжээ. Зэсийн нийт хэрэглээний 50 орчим хувийг дангаар “залгидаг” БНХАУ-ын эрэлт өсөхөөр байгаа. Тус улсын эрчим хүч, барилга, авто үйлдвэрлэл сэргээд байгаа нь зэсийн эрэлтийг дэмжихээр байна.

Б.Байгаль /ЗГМ/