Цэнхэр үст Цэрэнг заналхийлэв үү!!!

Цэнхэр үст Цэрэн нэрээр алдаршаад байгаа бүсгүй сүүлийн үед оффшор бүсэд хэдэн саяар нь ам.доллар мартдаг С.Баярцогттой ширүүхэн тэмцэж байгаа. Харин түүний аюулгүй байдал, амь нас баталгаагүй байгаа талаар нэгэн fb хуудас хэрэглэгч ийн жиргэжээ. “Оффшор данстан С.Баярцогтын эсрэг жирийн ард иргэд л эсэргүүцсэн үгээ хэлж байна. Экс сайд Ч.Сайханбилэг түүнийг өмөөрсөн хандлагатай өгүүлбэрээр “бөөлжив”. Ерөнхийлөгч Ц.Элбэгдоржийн гарын үсэгтэй ганцхан захиа энэ луйварчинг “далд оруулах” боломжтой эрх зүйн орчин бүрдээд байсан ч тэрээр амаа тас жимийсээр байгаад, ашиг тус нь үл харагддаг, төсвийн мөнгийг сая саяар зарлагадаж жил бүр дурлан ирдэг Эдийн засгийн форумд оролцохоор Альпийн нуруун дахь “амралтаа” авахаар ирлээ. Иргэн Т.Цэрэндолгор үүссэн хэрэгтэй холбогдох баримтууд хүргэх, баталгаажуулах далимдаа ерөнхийлөгчийн буусан бууринаас холгүйхэн швейцар улсын хэвлэлээр дамжуулан түүнтэй “байлдахаар” өнөөдөр Швейцар улсыг зорин нислээ.

Харин хоёр цагийн өмнө нисэх буудал орох замд нь түүний сууж явсан машиныг хоёр удаа мөргөсөн энэ хөх өнгийн машинтай тааруухан жолоочид хэн байсныг нь замын цагдаагийнхан ирж тодруулах байх аа. Цэрэн бүсгүй онгоцноос хоцрохгүйн тулд тэндээсээ таксинд шилжин суусан байна. Монголчууд Монголдоо амьдраад байгаа нь том асуудал болоод байна уу даа. Хоосон зам дээр гүйцэж ирээд л мөргөөд байдаг. Хотын дарга асан Наранцацралт учир битүүлэг замын осолд орж амь насаа алдсан. Арай …үгүй байлгүй дээ гэж л найдаж байна.Сэтгүүлч, сурвалжлагч нар үүнд анхаарлаа хандуулаарай. Мөргөсөн залуус чухам хэн бэ гэдэг нь өөрөө бараг хариулт болох байх. Бид айх өчүүхэн ч бодолгүй байна. Дамжуулан түгээнэ үү!!! Зургийг шалган нэвтрүүлэх өнгөрүүт л илгээсэн болно. Ж.Зоригт”.

FACT.MN