Нинжа нар ухсан нүхэндээ амиа алджээ

Архангай аймгийн Цэнхэр сумын Орхон багийн нутаг, Будант тээл гэдэг газар нутгийн иргэд гар аргаар олборлогчид осолдсон байна.  Энэ тухай дуудлага энэ сарын 13-нд аймгийн Онцгой байдлын газарт иржээ.

Дуудлагын дагуу аймгийн Онцгой байдлын газрын 8 албан хаагч, 1 автомашинтай хэргийн газар очин ажиллахад Архангай аймгийн Цэнхэр сумын Орхон багийн харъяат иргэн Э /26 настай, эрэгтэй/, Т /28 настай, эрэгтэй/ нар амиа алдсан байсан аж.

Алт олборлогчид нүх ухаж байтал ухсан нүхний ханаар нь хиймэл нуурны ус задарч, дотор нь байсан 2 иргэн амь насаа алдсан байна. Онцгойгийнхон цогцсыг гаргахаар ажиллаж байна.