С.Зоригийн амийг ”Захиалгаар” хөнөөсөн нь батлагджээ
Төр нийгмийн зүтгэлтэн С.Зоригийн амь насыг бүрэлгэсэн хэргийг шүүхээр шийдвэрлэсэн. Тодруулбал, хэрэгт сэжиглэгдээд байсан Б.Содномдаржаа, Т.Чимэгээ, Ц.Амгаланбаатар нарыг С.Зоригийн амь насыг захиалгаар хөнөөсөн гэж 24-25 жилийн хорих ял оноосон юм. Гэвч шүүхийн шийдвэрийг хүлээн зөвшөөрөхгүй гэдгээ С.Зориг агсны дүү УИХ-ын гишүүн асан С.Оюун мэдэгдсэн. Мөн олон нийт ч шүүхийн шийдвэрт эргэлзэж байгаагаа илэрхийлээд байгаа юм. Нийгмийн зүгээс энэ хэргийн “Захиалагч” нь хэн болохыг зарлахыг эл шулуун шаардаж буй.
Тэгвэл 1998 оны аравдугаар сарын 02-ны өдөр Улсын Их Хурлын гишүүн, Дэд бүтцийн хөгжлийн сайдын үүрэг гүйцэтгэгч С.Зоригийн амь насыг хохироосон Ц.Амгаланбаатар нарын хэргийг тусгаарлажээ. “С.Зоригийн амь насанд халдахыг захиалсан, зохион байгуулсан” гэх хэргийг шалгах хамтарсан ажлын хэсгийг Тагнуулын Ерөнхий газрын мөрдөн байцаах хэлтэс, Цагдаагийн Ерөнхий газрын Мөрдөн байцаах газрын Онц хүнд гэмт хэрэг мөрдөх хэлтсийн мөрдөн байцаагчдын бүрэлдэхүүнтэйгээр байгуулсан байна. Эдгээр хэрэгт Нийслэлийн прокурорын газраас хяналт тавих бөгөөд хэргийг шуурхай шалгаж, шийдвэрлэхийг Ерөнхий прокурор М.Энх-Амгалан ажлын хэсэгт үүрэг болгожээ. Ингэснээр С.Зориг агсны амийг “Захиалгаар” хөнөөсөн гэсэн таамаг батлагдаж байгаа юм.
С.Баяр
Эх сурвалж: Criminal.mn
URL:
