Кэти Холмс, Жэйми Фокс нар нууцаар хуримлажээ

Америкийн хэвлэлүүдээр Кэти Холмс болон Жэйми Фокс нарыг хуримласан гэх мэдээлэл гарах боллоо.

Мексикт Кэтигийн төрсөн өдрийг тэмдэглэхээр хамтдаа ирсэн гэх шалтгийг сэтгүүлчдэд хэлсэн одууд үнэн хэрэгтээ гэрлэлтээ батлуулах багахан ёслол үйлдсэн гэнэ.

Жүжигчин залуус далайн эрэг дээр үнэнч хайрын бэлэг тэмдэг болсон хуримын бөгжийг солилцсон байна.

Харин удахгүй Лос Анжелес хотноо найз нөхдийнхөө хүрээнд цомхон ёслолын арга хэмжээ зохион байгуулахаар болсон гэнэ. Энэхүү хуримын ёслолд Леонардо Ди Каприо, Жей Зи, Бейонсе, Мишель Уильямс болон Жошуа Жексон нарын одод уригдсан гэдгийг хэвлэлүүд мэдээлж байна.

Эх сурвалж www.wikimon.mn