“Сүлд спиннинг” эргэлтэт дугуйн фитнес шилдэг байгууллага боллоо

Өчигдөр монголын бизнесийн салбарын шилдэгүүдийг тодруулдаг “Grand100-2016” болж өнгөрлөө. Энэхүү арга хэмжээ нь 9 дэхь жилдээ болж байна. Салбартаа тэргүүлэгч, үйл ажиллагааны чанар чансаа, хэрэглэгчдийн болон иргэдийн итгэлтэй түнш зэргээр нь уг 100-н байгууллагуудыг шалгаруулдаг уламжлалтай билээ. Эдгээр байгууллагуудын дунд нэгэн содон байгууллага байсан нь яах аргагүй анхаарал татлаа.

“Сүлд спиннинг” эргэлтэт дугуйн фитнес монголын эмэгтэйчүүд, залуучуудыг хөдөлгөөний тутагдлаас аврахын зэрэгцээ тураах, төгс бие хаатай болох зорилтот бүхий байгууллага юм. “Сүлд спиннинг” эргэлтэт дугуйн фитнес нь байгуулагдаад жил хүрэхгүй хугацааг үдэж байгаа ч монголын бизнесийн салбарыг тэргүүлэгч хэмжээний амжилтыг үзүүлж салбарынхан дундаасаа шалгарсан аж.

Монголын эдийн засгийг хөдөлгөгч хүч болон үйл ажиллагаагаа өргөжүүлэн ажиллаж байгаа салбар салбарын манлайлагч байгууллагууд нэг дор цуглан өнгөрч байгаа оныхоо амжилт, туршлагаасаа хуваалцан, ирэх ондоо өөдрөг өнгөтэй улам ихийг хийж бүтээх итгэл дүүрэн нэг оройг хамтдаа үдсэн юм.