Огноо: 2016/12/13 8:39:36

Энэ өдрийн зурхай /2016.12.13/

Өнөөдөр аргын тооллын 2016 оны арванхоёрдугаар сарын 13. Мягмар гараг. Билгийн тооллын XVII жарны “Муу нүүрт” хэмээгч Гал бич жилийн өвлийн дунд цагаан хулгана сарын 14. Ангараг гараг. Чөлөөт эх одтой, хоёр хар мэнгэтэй, шарагчин могой өдөр.

Барилдлага: Түлэх
Шүтэн барилдлага:Тийн мэдэхүй
Суудал: Шороо

Өдрийн наран 8 цаг 37 минутад мандан, 17 цаг 02 минутад жаргана. Тухайн өдөр үхэр жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хараал, жатхыг буцаах, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна.

Үс шинээр үргээлгэх буюу засуулбал Эд мал арвидна

* * ӨРНИЙН ЗУРХАЙ * *

ХОНЬ (3/21-4/19)

Таны амьдралд шинээр орж ирсэн хүмүүс шинэ санаа бэлэглэж шинэ боломжуудыг олж харах таны нүдийг нээж өгнө. Мөнгөний асуудалд бодлогогүй амлалт бүү өг. Таны дур булаам байдал улам л нэмэгдсээр байна. Ахмад настай хүмүүс хоол боловсруулах эрхтэндээ анхааралтай байж хоол ундаа тохируулж хэрэглэ.

ҮХЭР (4/20-5/20)

Үл ойлголцол болох өдөр. Өнөөдөр болох зүйлсийн олонх нь эвдэн нураах утга санаатай байна. Үүнийг харсан хүмүүсийн зөрүүд зан нь хөдөлж болж байгаа зүйлийг ойлгохгүй байхыг хичээнэ. Мэргэжлийн үйл ажиллагааны хүрээнд өөрийн зөн совингоо дага. Уулзалт гэрээ хэлэлцээр амжилттай байхыг од эрхэс зөгнөж байна. Шинээр гэртээ тавилга авах нь тийм ч муугүй санаа гэдгийг ойлгоорой. Дотор эрхтний өөрчлөлт санааг чинь зовоосоор л байна. Харин дотнын хүний гомдол хурцалж болзошгүй.

ХАМТАТГАХ (5/21-6/21)

Сар таны ордонд шилжиж байгаа тул өөрийн хувийн зүйлд анхаарлаа төвлөрүүлэхийг зөвлөж байна. Та нэлээд асуудалтай тулгарна. Тэднийг шийдэх гэж оролдохын оронд цаг нь иртэл хойшлуул. Айсны хэрэггүй, тэд байж л байна. Оюутан сурагчид амрах хэрэгтэй. Оюун ухаан яг л биетэй адил сайн байна. Бусадтай харилцан ярилцахдаа болгоомжтой бай. Нууцыг задруулж болохгүй. Бүлгийн үйл ажиллагаа нь стрөсс авчрах болно.

МЭЛХИЙ (6/22-7/22)

Азтай өдөр. Энэ өдөр та гэрлэх санал тавих болон хэн нэгнээс гэрлэх санал авна. Таны хайрт төгс хайрын харьцааг хайж байгаа бөгөөд энэ нь удаан хугацаанд хадгалагдана. Зарим нэг нь хуучин хайрт руугаа гүйнэ. Харин шинэ хайрын түүх илүү ухаалаг харилцааг тогтооно. Та хуучин хайрттайгаа энэ үдэш уулзах ба тэр тантай байлдаанаа үргэлжлүүлэхийг хүсч болзошгүй. Гэвч та энэ тулааныг зогсоо. Энэ өдөр гэр бүлийн хөрөнгө өвлөгдөх талаар яриа үүснэ. Гэхдээ та энэ бүхнээс хол байж болно.

АРСЛАН (7/23-8/22)

Аливааг эерэгээр харж, хийснээ тунгаан бодоход таатай өдөр. Эрч хүч дүүрэн байж өмнө хийж гүйцээгүй байсан ажил болон төслөө амжилттай дуусгаж чадна. Өнөөдрийн цовоо цолгиун байдал бүтэн өдөр үргэлжилнэ. Хайртай хүмүүсдээ гэнэтийн бэлэг барихад тун тааламжтай. Дарга болон удирдлагаасаа магтаалын үг сонсож, зарим нэг нь тушаал ахих болно. Таны санхүүгийн байдал тогтвортой байна.

ОХИН (8/23-9/22)

Энэ өдөр маш олон цагийг ажил болон сургууль дээрээ өнгөрөө. Энэ үед хэрэгтэй зүйлээ мартахгүйн тулд бэлтгэл хий. Ажлын их ачааллаасаа болоод гэр бүлээ мартан тэдэнд хайхрамжгүй хандаж болзошгүй. Хайртай эцэг эхдээ болон бодож явдаг хүмүүстээ ил захидал мэйл илгээгээд эсвэл утсаар ярих цаг өөртөө гаргаарай. Дэлгүүрт бараанууд хуга хямдарсан байж магадгүй тул гэртээ үлдэх хэрэггүй. Өргөн хэрэглээний гоо сайхны бараа бэлэглэхийг дэлгүүрийнхэн санал болгож магадгүй.

ЖИНЛҮҮР (9/23-10/22)

Аюултай өдөр. Эрсдэлтэй, аюултай, этгээд гаж зүйлд дурлахгүй байхыг од эрхэс зөвлөж байна. Хайр дурлалд одгүй байна. Хөндлөнгийн хүмүүстэй, нэн ялангуяа хөршүүдтэйгээ маргалдаж болзошгүй. Энэ нь таны хувьд тун таагүй үр дагаврыг авч ирэх төлөвтэй. Гэнэт сэтгэлээр унах, толгой өвдөх, халдварт өвчин тусах магадлалтай. Өнөөдөр эрхэсийн нөлөөгөөр таны зөн билэг, урьдчилан харах чадвар нэмэгдэнэ.

ХИЛЭНЦ (10/23-11/21)

Тодорхой зорилготой өдөр. Хувийн ажил болон эрүүл мэндээ өндөржүүлэхэд сайн. Хайр дурлалын асуудлаа амжилттай шийднэ. Ганц бие хүмүүсийн хувьд найдлага төрүүлсэн уулзалттай таарна. Гэвч энэ нь удаан үргэлжлэхгүй ба хөнгөн сээтгэнэлд төдийхөн зүйл байна. Сэтгэл хөдлөлөө илэрхийлэхдээ болгоомжтой хатуу чанд бай. Ингэх нь таны анхаарлыг татаж буй зүйлийн мөн чанарыг сайтар ойлгоход тусална. Зүү, сүлбээр зүү, шилний хэлтэрхий зүүдэлбэл урам хугарна.

НУМ (11/22-12/21)

Хүнд өдөр. Ямар ч ажил хийсэн туйлын анхаарал болгоомжтой байх хэрэгтэй. Дарга, удирдлагатайгаа зөрчилдөж болзошгүй байгаа тул аль болох төвийг сахихыг хичээх нь зүйтэй. Хамаатан садангуудын хооронд асуудал үүсч болзошгүй байна. Аливаа зүйлийг хийхдээ зөн билэгтээ найдах хэрэггүй. Үүний оронд итгэж болохуйц хүмүүсийн зөвлөгөөг сонссон нь дээр.

МАТАР (12/22-1/19)

Тэнхээ барсан өдөр. Таны хоёр дахь эрхэс болон хүсч байгаа зүйл хоорондоо харшилдах тул юу ч хийлгүй сууж өнжих бололтой. Албан ажил болон зугаа цэнгэлээ хооронд нь тэнцвэржүүлэх амаргүй. Иймээс та хоёуланг нь гүйцэлдүүлэх арга замыг эрж хайх хэрэгтэй. Харин та санхүүгийн байдлаа сайжруулж чадсан бол өдийг хүртэл мэрийсний ашиг гарах байлаа. Хэдий тийм ч өнөөдөр та сайхан мэдээ дуулах болно. Өөртөө байгаа зүйлдээ эзэн суу.

ХУМХ (1/20-2/18)

Ажил хэрэгч байдал идэвхижинэ. Шашны болон соёлын холбоо өргөсч үүнд бүх бололцоо чиглүүлнэ. Энэ өдрийг уулзалт хэрэгцээнд ашигла. Үйлчилгээний салбарын ажилтнууд онцгой анхааралтай бай. Эрсдэлтэй алхам хийхээс зайлсхий. Зөвхөн өөртөө найд. Од гаригсын хэлж байгаагаар таны хувийн амьдралыг өөрчлөхүйц алдаж болохооргүй үйл явдал таньд тохиолдоно.

ЗАГАС (2/19-3/20)

Таагүй өдөр. Өнөөдөр санхүүгийн харилцаанд урьдчилан тааварлаагүй олон зүйл тохиолдож, танаас илүү их хариуцлагатай байхыг шаардана. Харамсалтай нь таны эрч хүч маш доогуур түвшинд байгаа тул та ажилдаа түүртэж, дарамтанд орох болно. Бүх зүйлийг ганцаараа хийх гэж зүтгэх хэрэггүй. Аливаад хүлээцтэй байж чадвал та ямар ч асуудлыг тайван даван гарах болно. Бусдад тусалснаар та маш сэтгэл хангалуун байх болно. Та ухаалаг, уур уцааргүй байж чадвал нууцлагдмал байсан асуудлууд ил тод болох болно. Ойр дотны хүмүүстэйгээ хамт цагийг хөгжилтэй өнгөрөө.

URL: