Америкт жагсагчид монгол гэр ашиглаж байна

Дакотагийн нефть дамжуулах хоолойн барилгын ажлыг эсэргүүцэгчид өвлийн хүйтэн энэ үед монгол гэрийг ашиглажээ. Америкт монгол гэр үйлдвэрлэдэг хоёр гурван газар байдаг бөгөөд 8300 ам.доллараар худалдаалагддаг байна.

АНУ-ын Хойд Дакота, Өмнөд Дакота, Лова, Иллинойс мужийг холбосон газрын тос дамжуулан хоолойн барилгын ажлыг эсэргүүцсэн жагсаал цуглаан хагас жил гаруйн хугацаанд үргэлжиллээ.

Тус улсын засаг захиргаанаас жагсагчдын шаардлагыг хүлээн авч нефть дамжуулан хоолойн барилгын ажлыг түр хугацаанд зогсоох шийдвэр гаргасан байна.

Дакота мужийн уугуул индианчуудаас бүрдсэн жагсагчид энэ оны дөрөвдүгээр сараас хойш эсэргүүцлээ илэрхийлсэн юм. Тэд нефть дамжуулах хоолойг өвөг дээдсийнх нь оршуулгын газар, ариун газраар дайрч, байгаль орчинд хор хөнөөл учруулна гэж эсэргүүцсэн нь одоо үр дүнд хүрч байна.

Т.Мунаа