Нөлөөнд орсон Шүүх эмнэлэгийн дүгнэлт

2016 оны 5 сарын 31-нээс 2016 оны 6 дугаар сарын нэгний шилжих шөнө айлын хашаа мөргөж, гэрт унтаж байсан хүмүүсийг гэмтээсэн хэрэг гарсан. Энэхүү хэргийн хохирогчид харин өнөөдөр хүртэл хохиролоо барагдуулж амжаагүй л шүүхийн үүдийг сахидаг, шүүгч өмгөөлөгчдийн амыг хардаг ажилтай л болсон аж. Гэтэл өнөө мөргөсөн гэх этгээд Б нь танил талаа ашиглан Шүүх эмнэлэгийн дүнд нөлөөлчихөөд додигор сууж байгаа гэнэ.

Өнөөгийн нийгэмд танил тал, мөнгөтэй нь л бүхнийг өөрийн талдаа эргүүлж чаддаг болсон цаг болохоор тэр. Хачирхалтай нь өнөө гэртээ унтаж байгаад мөргүүлж гэмтсэн эмэгтэй 4 дүгээр зэргийн түлэгдэлтэй хоёр ч удаагийн хагалгаанд орчихсон, мөн дээр нь хэвлийдээ тээж байсан үрээ алдчихсан сэтгэл санааны хохиролтой, бөгөөд ой найман сартай хүүхэд нь түнхний хугаралтай насаараа хазгар болчихоод байхад хүртэл хүндэвтэр гэмтэл гэсэн онош тогтоогоод гэдийчихсэн гэх.

Ядахад шүүхийн хөөн хэлэлцэх хугацаа нь дуусах гээд байгаа аж. Гэтэл нөгөө талын өмгөөлөгч ирдэггүйгээс шүүх хурал нь хоёр ч удаа хойшилсон ер нь л хүнд суртал гээчийг биеэрээ мэдэрч байгаа гэнэ.

Айлын хашаа, гэрийг мөргөж орсон гэх эмэгтэй нь Гэмтэл Согог Судлалын Төвийн сувилагч гэдгийг хожим мэдсэн аж. Гэтэл иргэдийнхээ эрүүл мэндийг сахин хамгаалах тангарагтай эмнэлэгийн ажилтан хүртэл өөрийнхөө гэм бурууг хүлээн зөвшөөрөхгүй харин ч танил талаараа нөлөөлж байгаа нь харамсалтай. Энэ ганцхан л жишээ. Ер нь нөлөөлөлд орсон Шүүх эмнэлэгийн дүгнэлт энэ мэтээр олон иргэдийг сэтгэл санааны хохиролтой үлдээсээр байх уу.

Fact.mn