Ирэх долоо хоногоос ихэнх нутгаар хүйтэрнэ

Өнөөдөр нутгийн баруун хойд хэсгээр үүлшиж, бага зэргийн хур тунадас орно. Бусад нутгаар багавтар үүлтэй. Хур тунадас орохгүй. Салхи ихэнх нутгаар зүүн өмнөөс секундэд 6-11 метр, Алтайн уулархаг нутаг, Арц Богдын өвөр хоолойгоор түр зуур секундэд 16-18 метр хүрч ширүүсэн шороон шуурга шуурна. Хангай, Хөвсгөлийн уулархаг нутгаар 4-9 градус, Говийн бүс нутгаар 11-16 градус, бусад нутгаар 8-13 градус дулаан байна.

Маргааш нутгийн хойд хэсгээр, 30-нд нутгийн баруун хагаст, 31-нд нутгийн зүүн хагаст цас орно. Салхи 30-нд нутгийн баруун хагаст, 31-нд говь талын нутгаар секундэд 18-20 метр хүртэл ширүүсч шороон болон цасан шуурга шуурна. Алтай, Хангай, Хөвсгөл, Хэнтэйн уулархаг нутгаар шөнөдөө 9-14 градус хүйтэн, өдөртөө 3-8 градус дулаан, Алтайн өвөр говь болон говийн нутгийн өмнөд хэсгээр шөнөдөө 2 градус хүйтнээс 3 градус дулаан, өдөртөө 11-16 градус дулаан, бусад нутгаар шөнөдөө 4-9 градус хүйтэн, өдөртөө 5-10 градус дулаан байна. 30-нд нутгийн баруун хагаст, цаашдаа ихэнх нутгаар хүйтэрнэ.