Цогтцэций суманд иргэдийг нүүлгэн шилжүүлж байна

Өмнөговь аймгийн Цогтцэций суманд өчигдрөөс эхлэн 20 орчим удаагийн чичирхийлэлт  мэдрэгдэж, 1.5-3.8 магнитутын газар хөдлөлт болжээ.

Энэхүү газар хөдлөлттэй холбоотойгоор Цогтцэций сумын 700 иргэнийг хоргодох байр, кемп, гэр зэрэгт нүүлгэн шилжүүлж аюулгүй байдлыг ханган ажиллаж байгаа юм байна. Үүнд сумын дотуур байранд амьдардаг сурагчид, Тавантолгойн ордод үйл ажиллагаа явуулдаг уурхайн компанийн ажилчид болон бусад иргэд багтаж байгаа гэнэ.

Онцгой байдлын ерөнхий газрын Гамшигтай тэмцэх газрын ерөнхий зохицуулагчаас өгсөн үүргийн дагуу өндөржүүлсэн бэлэн байдлыг сумын хэмжээнд зарлаж, шаардлагатай бүхий л арга хэмжээг авч байгаа аж.

Мөн Цогтцэций сумын хэмжээнд эрчим хүчийг хязгаарлажээ.