Годон гутал өмссөн бол MINT клуб таны өмнө хаалттай
Тансаг зэрэглэлийн, зөвхөн баячуудын хүүхдүүдэд үйлчилдэг гэх MINT клуб үйлчлүүлэгчиддээ нэгэн шинэ төрлийн цензур тавьж эхэлсэн байна. Тодруулбал тус клубээр үйлчлүүлэхийн тулд таныг годон гутал, гүйлтийн фүүз, биеийн тамирын хослол өмсөж ирэхгүй байхыг анхааруулжээ. Хэрвээ анхааруулгыг зөрчих аваас MINT таны өмнөөс хаалгаа барих бололтой.
Энэ талаар MINT Ulaanbaatar албан ёсны фэйсбүүк фэйждээ, “МИНТ клубын дотоод журамд заасны дагуу өөрийгөө болон бусад үйлчлүүлэгчийг хүндлэн биеийн тамирын xослол, гүйлтийн пүүз, годон гуталтай ирэxгүй байxыг анхааруулъя. Мөн бичиг баримтаа биедээ авч явна уу. Та бүxэн МИНТ клубын дотоод журамыг хүндэлж үйлчлүүлэxийг xүсэж байна”хэмээн бичжээ.
Харин үүнд эгдүүцсэн иргэд тус клубын цахим хуудаст, “Шууд утгаараа бол баян ядуугийн ялгаа гэж ойлгож болохоор байна. Нийгэм нь байтугай баар, цэнгээний газар нь хүртэл ийм болчих гэж дээ”, “Годон гутал өмсөж болохгүй гэснээ бойтог болно гэсэн байна. Ялгаа юу байгаа юм.”, “Ерөөсөө маргааш Монгол гутал, монгол дээл өмсөөд Mint клуб орноо. Монгол дээл, гутлыг хориглоогүй биз дээ” гэх мэтээр сэтгэгдэлээ үлдээцгээсэн байна.
Х.Онон
zuvsongolt.mn
URL:
Холбоотой мэдээ
Сэтгэгдэл бичих
You must be logged in to post a comment.
Il vaut mieux s’en aller la tete basse que les pieds devant.