Су.Батболдын нэг удаагийн шоу л 350 тонн давс авах мөнгөөр хийгджээ

Сүүлийн өдрүүдэд их хэмжээгээр орсон цаснаас үүдэлтэйгээр нийслэлийн авто замын байдал хүндэрч буй билээ.Үүнтэй холбоотойгоор Нийслэлийн засаг дарга бөгөөд  Улаанбаатар хотын захирагч Сундуйн Батболд, Улаанбаатар хотын Ерөнхий Менежер Т.Гантөмөр нар цаг тухайд нь  шийдвэртэй арга хэмжээ авч чадаагүйн уршгаар  олон хүн эд хөрөнгөөрөө төдийгүй эрүүл мэндээрээ хохирч буй нь нууц биш. Гэтэл Нийслэлийн засаг дарга Су.Батболд дөнгөж өчигдөр л харьяа газрын дарга нараа цуглуулан  хуралдаж, холбогдох газар хэлтсийн дарга нартаа хандан цас, мөс хайлуулах бодис, давсны татан авалтыг түргэсгэж, 400 тонн бодис татах гэрээг хурдан хугацаанд хийх болон цэргийн алба хаагчдыг багаж хэрэгслээр хангахыг үүрэг болгосон нь түүний ямар хурд  мэдрэмж муутай,  чадваргүй удирдах албан тушаалтан болохыг харуулж буй ганцхан жишээ юм.