Хэрүүлд хэзээд зав гаргадаг Мобикомын операторууд!

“Таны тэмүүлэл биднийг хөтөлнө” хэмээх сүржин уриатай Мобиком корпарацийг хэрэглэгчид нэр төрийн баталгаа хэмээх нэрийдлээр хэрэглээгээ болгосоор багагүй хугацааг ардаа үджээ. Гэтэл үүгээрээ “боох” гэсэн мэт хэт даварсан өндөр өртөгтэй үйлчилгээний талаар иргэдийн бухимдсан сэтгэгдлүүд өдөр ирэх тусам нэмэгдсээр л байна. Хэрэглэвэл хэрэглэ, төлж чадахгүй бол боль гэсэн мэт операторуудынх нь хайнга харилцаа хэрээс хэтэрч өнөө “хэрэглэгч бол хаан” гэсэн сүртэй уриа лоозонгоо умартсан бололтой. Ядарсан ард иргэдийг яаж ч даапайлсан яадаг юм гэсэн шиг сөрөг сэтгэгдлүүд хөвөрсөөр байхад үйлчилгээнийхээ чанарыг ч сайжруулалгүй харин ч бүр хэрүүл хийж завтай нь аргагүй фэйсбүүк манаж хэл амаа билүүдэж сууна. Тэгвэл ээлжит эсэргүүцэл үзүүлсэн мобикомын хэрэглэгчээр дуучин Нара тодров. Тэрээр өөрийн цахим хуудаснаа “Мобиком хэрэглэхээ больдог юмуу даа

10 гаруй жилийн турш энэ дугаарыг барьж байна, гэвч нэг ч удаа та үйлчилгээндээ сэтгэл хангалуун байж чадаж байнуу гэж асууж байгаагүй хэрнээ сар бүр төлбөрөө төлөхийг анхааруулсан үйлчилгээ хаагдахыг анхааруулсан мсж ирнэ. Төлбөрөө төлөхгүй алга болчихдог амьтан аятай. Үйлчилгээний талаар хэтэрхий өндөр үнэтэй төлбөрийн талаар санал гомдол өгсөн энэ талаар холбогдох хүнд нь хэлнээ л гэсэн таг хязгааргүй яриа хязгааргүй дата эрхтэй үйлчилгээ гээчийг нь ч авч үзлээ төлбөрт ямар ч өөрчлөлт алга” гэж бичсэний доор ажиллагсад нь компаниа өмөөрч сүйд болов.

Никитоны Бачка, хөгжмийн зохиолч Чинбаа нарыг хүртэл их мөнгөөр худалдаж аваад сүлд дуугаа дуулуулчихсан Мобиком хэрэглэгчдээ дээдлэх бус харин ч хэрэглэгчдийнхээ түрийвчнийх нь хэмжээгээр даажигнаж дээд удирдлагууд нь  ажлынхаа цагаар ажилчиддаа онлайн хэрүүлд ач холбогдол өгөхийг зааж сургадаг бололтойдог шүү.

Эх сурвалж:Шуурхай.мн