Ломбардууд фэйсбүүк хуудсыг барьцаанд авах болжээ

Монголчууд фэйсбүүкийг идэвхитэй ашиглаад 10 орчим жил болж байгаа. Энэ хугацаанд фэйсбүүкт манай улсаас бүртгэлтэй 1 сая гаруй хэрэглэгч бий гэсэн тооцоо байдаг.

Тэгвэл саяхнаас ломбардууд фэйсбүүк хуудсын эрэлттэй байдлыг ашиглан барьцаалан зээлүүлэх үйлчилгээ үзүүлж эхэлжээ. Ингэхдээ, фэйсбүүк хуудасны Like-ийн тооноос хамаарч, 500 мянга хүртэлх төгрөгийг ломбарднаас авах боломжтой гэнэ.

Монгол Улсын Иргэний хууль болон Барьцаалан зээлдүүлэх стандартаар ломбардны үйл ажиллагаа зохицуулагддаг. Иргэний хуульд зааснаар барьцаалан зээлдэх газар нь зөвхөн хөдлөх эд хөрөнгө барьцаалж зээл олгох ёстой байдаг. Харин фэйсбүүк хуудсыг хөдлөх үү, үл хөдлөх хөрөнгө үү гэдгийг тодорхойлоход хүндрэлтэй.

Т.Мунаа

Time.mn