Дональд Трамп: Хиларигаас болж дэлхийн III дайн дэгдэж магадгүй

АНУ-ын Ерөнхийлөгчийн сонгуульд сөрөг хүчин Бүгд Найрамдах намаас нэр дэвшиж буй тэрбумтан Дональд Трамп өчигдөр “Ройтерс” агентлагт ярилцлага өгчээ. Энэхүү ярилцлагыг хүргэж байна.

-Хоёр долоо хоногийн дараа АНУ-ын Ерөнхийлөгчийн сонгууль боллоо. Энэ бүхэн танд түгшүүр бий болгож байна уу?

 

-Тийм ээ бага зэрэг айдас түгшүүр мэдэрч байна. Миний бодлоор хурдан сонгууль болоосой. Үр дүнгийг нь хурдан хармаар байна. Би хүлээх дургүй. Энэ бол миний эрхэмлэдэг зарчим.

 

-Энэ удаагийн сонгууль танд ялалт эсвэл ялалтын нэгийг авчрах болно. Та сэтгэлийн бэлтгэлтэй байгаа биз дээ?

 

-Ялалт байгуулахыг л хүсч байна. Би олон ч удаа энэ байр сууриа олон нийтэд дуулгасан. Надад ялалт гэх ганцхан зам бий.

 

-Хэрвээ эсрэгээрээ эргэвэл?

 

-Би ялалт байгуулахын тулд өөрт байгаа бүхий л бололцоогоо ашиглаж байна. Зөвхөн намайг Ерөнхийлөгч болгохын тулд олон зуун хүн өдөр, шөнийг умартаж ажиллаж байгаа. Би тэдний төлөө хүчирхэг Америкийг бий болгохын төлөө заавал ялалт байгуулах хэрэгтэй.

 

-Америк одоо ч гэсэн хүчирхэг хэвээрээ байна?

 

-Америк хүчирхэг байсан. Харин одоо эсрэгээрээ. Айдас түгшүүр Америкийг бүрхлээ. Бид үргэлж хянуур байхгүй бол хохирогч болох болно. Өнөөгийн Засгийн газар энэ бүх уур амьсгалыг бий болгосон. Тэд энэ бүхний буруутан. Гадаад өр өдрөөс өдөрт нэмэгдэж, Ойрхи Дорнод дахь хямрал Америкийн хаалганы өмнө ирээд байна. Террористууд эх оронд минь эзэн мэт суухыг санаархаж, гэмгүй иргэдийг байгаа болгож байна. Тэгээд энэ бүхэн хүчирхэг байдлын шинж тэмдэг үү. Би хувьдаа тэгэж бодохгүй байна. Хүчирхэг улс эдийн засаг болон аюулгүй байдал тогтвортой байх ёстой. Гэтэл энэ бүхэн өнөөдөр байхгүй байна. Бид эх орондоо айдас түгшүүрээр дүүрэн байна. Галт зэвгийн хяналтгүй хэрэглээ Америкчууд америкчуудаа хөнөөхөд хүргэлээ. Энэ бүхнийг хараад суухыг хүсэхгүй байна. Бид нэгдэх, хүчирхэг болох цаг ирсэн. Хэрвээ би ялалт байгуулахгүй бол энэ бүхэн дахин дөрвөн жил үргэлжлэхийг бүү март.

 

-Таны гол өрсөлдөгч Хилари Клинтон ялалт байгуулж, Ерөнхийлөгч болбол?

 

-Хэрвээ Хилари Клинтон ялалт байгуулвал Ойрхи Дорнодын хямрал хөгшин Европыг улам заналхийлэх болно. Хиллари АНУ-ын ерөнхийлөгч болох юм бол Сирийн талаар баримталж буй түүний бодлого дэлхийн III дайн дэгдэхэд хүргэж болзошгүй. Товчхон хэлбэл Хиларигаас болж дэлхийн III дайн дэгдэж магадгүй.

 

 

-Та Ерөнхийлөгч болбол Сири аль замаар явах вэ?

 

-Цагаан ордон исламын улсаас гадна Сирийн Ерөнхийлөгч Башар аль Ассадыг төрөөс зайлуулахыг оролдож байна. Нэг хүнийг солилоо гээд энэ бүхэн дуусахгүй. Харин Сирийг 100 хувь террористуудаас чөлөөлөх хэрэгтэй. Террористууд Сирийг чөлөөлсөн цаг энэ улс тусгаар тогтнолоо авч үлдэнэ. Би Ерөнхийлөгч болбол исламын улсыг газрын хөрснөөс тэгшлэх болно.

 

-Яаж?

 

-Би өмнөх мэтгэлцээний үеэр ч мэдэгдэж байсан. Тэдэнд зориулсан нууц төлөвлөгөө бий гэж. Исламын улсын хөрөнгийн их үүсвэрийг бүрэн устгах хэрэгтэй. Энэ бол хамгийн шилдэг, шалгарсан арга.

 

-Хилари та хоёр гурван удаа халз мэтгэлцлээ. Мэтгэлцээний дараа иргэдийн дунд явуулсан санал асуулгаар Хилари таниас илүү байсан. Энэ бүхэн таны уурыг хүргэсэн үү?

 

-Хилари асуултаас бултаж, өөр зүйл ярьж, сонсогчдыг анхаарлыг зальжин аргаар сарниулж байна. Тэр шударга, ариун мэтээр өөрийгөө өргөмжилж байсан нь миний уурыг хүргэсэн. Би илүү тэр илүү байсныг удахгүй болох Ерөнхийлөгчийн сонгуулиар шийдэгдэх болно. Тиймээс санал асуулга зэрэгт ач холбогдол өгмөөргүй байна. Санал асуулгын дүнд хэн ч нөлөөлж чадна.

 

-Тэгэхээр Хилари бохир арга хэрэглэсэн гэсэн үг үү?

 

-Цаг хугацаа харуулах болно.

 

-Таныг Оросын гар хөл хэмээн буруутгасан?

 

-Оростой дайсагналаа гээд бид сайнаа үзэхгүй. Оростой харин найрсаг харилцаатай байж бид илүү амжилтад хүрнэ.

 

Б.Дэлгэрцэцэг
 Shuud.mn