Хөвсгөл аймгаас алдагдсан хосгүй үнэт олдворуудыг хийдэд нь залжээ

Хөвсгөл аймгийн Тосонцэнгэл сумын Гандандамчойлон хийдийн хосгүй үнэт олдворуудыг энэ сарын 12-13-нд шилжих шөнө хулгайлсан хэрэг гарсан.

Уг хэргийг үйлдсэн этгээдүүдийг цагдаагийн алба хаагчид шуурхай эрэн сурвалжилж, энэ сарын 18-ны өдөр баривчилсан талаар бид өмнө мэдээлсэн.

Тэгвэл Хөвсгөл аймаг дахь Цагдаагийн газар, Орхон аймаг дахь Цагдаагийн газар, МБГ-ын Онц хүнд гэмт хэрэг мөрдөх хэлтсийн алба хаагчид хамтран уг олдворуудыг Гандандамчойлин хийдэд өчигдөр хүлээлгэн өгсөн байна.

Дашрамд дурдахад, уг хар морь хөлөглөсөн сахиусыг 1700 оны үед Ахай бээсийн хошууны ноён Төв дархан гүн Төвдийн хөх нуураас залж авчирч байсан аж.