Жоли, Питт нарын шалдан баримал зарагдана

 Ebay интернет-дуудлага худалдаагаар Анжелина Жоли, Брэд Питт нарын лаван баримал зарагдана хэмээн Metro-д мэдээлсэн байна. Уг бүтээлийг худалдахаар зарласан эзэн нь алдартай хосын салалтыг дүрсэлсэн урлагийн бүтээл гэж нэрлэсэн аж.

Уг баримал өндрөөрөө 103 см бөгөөд жинхэнэ үс оруулан, нүдийг шилээр орлуулсан зэрэг нь харагдах байдлаараа бодит дүрд дөхөж очсон байна.

Хоёр алдарт жүжигчин хоёулаа шалдан байх бөгөөд ташаан толгойгоороо холбогдсон аж. Бранжелины баримлын анхны дуудах үнэ 3500 фунтээс эхлэх ба дор хаяж, 10 мянгаас багагүй үнээр худалдана гэж эзэн нь мэдээлжээ.

Дуудлага худалдаа энэ сарын 15-нд явагдах бөгөөд Холливудын алдарт хосын салалтад зүрх сэтгэл нь эмзэглэж буй шүтэн бишрэгчид нь энэхүү урлагийн бүтээлийг худалдан авах боломжтой болох аж.

Д.Мөрөн

Эх сурвалж: ZONE.MN