ХҮҮХДИЙН МӨНГИЙГ ОЛГОЖ ЭХЭЛЛЭЭ

Энэ оны төсвийн тодотголын дагуу нийгмийн зорилтот бүлэг буюу нийт 660 гаруй мянган хүүхдэд хүүхдийн мөнгийг олгохоор болсон. Тэгвэл өчигдрөөс буюу энэ сарын 3-аас эхлэн хүүхдийн мөнгийг олгож эхэлсэн талаар албаны эх сурвалж мэдээллээ.

Амьжиргааны түвшинг оноогоор үнэлж тодорхой нэг түвшин бүхий үнэлгээ гаргаад тухайн тооноос бага оноотой нийт өрхийн 60 хувьд хүүхдийн мөнгийг бэлнээр олгохоор болсон. Харин үлдэгдэл 40 хувьд хүүхдийн мөнгийг хүүгүйгээр, хугацаатай хадгаламжийн хэлбэрээр банканд байрлуулж тодорхой хугацааны дараа буюу 2019 оноос нөхөж олгоно гэж тооцоолж байгаа аж.

Бэлнээр олгох 660 гаруй мянган хүүхдийн мөнгийг 2016 оны долоодугаар сарын 1-ээс тооцож, гурван сарын хүүхдийн мөнгийг ийнхүү олгож эхэлжээ.