Цагдаагийн алба хаагчид орон нутгийн хөгжилд хувь нэмрээ орууллаа

Завхан аймгийн Засаг даргын 2016 оны А/202 дугаар захирамжаар Загастайн давааны А-1102 дугаартай улсын чанартай авто замыг орон нутгийн хүчээр засварлахтай холбогдуулан Улиастайгаас Идэр сумын Дархан-Уул багийн Улаан үзүүр хүртэлх 67 километр зам засварын ажлыг зохион байгуулах ажлын хэсгийг байгууллаа.

Уг зам засварын ажлыг хариуцах 4 хэсгийг томилсон ба аймгийн Засаг дарга Д.Батсайхан: Завхан аймаг дахь Цагдаагийн газарт нэгдүгээр хэсэг буюу Улиастай хотоос Загастайн давааны чиглэлийн 17 километр зам засварын ажлыг хариуцан гүйцэтгэх үүрэг өгсөний дагуу есдүгээр сарын 02-ны өдрөөс 12-ны хооронд Замын цагдаагийн тасгийн дарга, цагдаагийн дэд хурандаа Ж.Үүрийнцолмонгоор ахлуулсан ажлын хэсэг зам засварын ажлыг гүйцэтгэж дуусгалаа.