Булган аймгийн Засаг даргыг АТГ-ынхан шалгаж дуусчээ

АТГ-ынхан энэ сарын 19-23-нд гэмт хэргийн шинжтэй зургаан гомдол, мэдээлэл шинээр хүлээн авч, өмнөх долоо хоногт шалгаж байсантайгаа нийлээд 21 хэргийг мөрджээ. Өнгөрсөн долоо хоногт эрүүгийн 46 хэрэгт мөрдөн байцаалт явуулснаас дөрвөн Хэргийг яллах дүгнэлт үйлдүүлэх саналтайгаар прокурорт шилжүүлж, өдгөө 38 хэргийг шалгаж байна. Яллах дүгнэлт үйлдүүлэхээр шилжүүлсэн хэргүүдийн нэг нь Булган аймгийн Засаг дарга Д.Эрдэнэбаттай холбоотой аж. Тус аймгийн ИТХ-аас сумдынхаа хог хаягдал цэвэрлэхэд ашиглах зорилгоор трактор, самосвал авахад хөрөнгө гаргах тогтоол баталсан аж. Улмаар тогтоолдоо авах техник хэрэгслийн шаардлагын шалгуурыг тодотгожээ.

Гэтэл Засаг дарга Д.Эрдэнэбат албан тушаал эрх мэдлээ урвуулан ашиглаж шалгуур хангахгүй, БНХАУ-д үйлдвэрлэсэн 17 трактор, самосвал авч улсад онц их хэмжээний хохирол учруулсан хэрэгт холбогдоод байгаа аж. Аймгийн ИТХ-аас дээрх ажлын хүрээнд 800 сая төгрөг гаргахаар баталсан юм байна.

http://www.24tsag.mn/content/140272.shtml