“Хөгжлийн бэрхшээлтэй хүүхдийн гэрэлт ирээдүй” төслийг хэрэгжүүлнэ

 Дэлхийн Зөн Олон Улсын байгууллагын Монгол дахь Төлөөлөгчийн газар, Баянзүрх дүүргийн Засаг даргын Тамгын газар, Хараат бус судалгааны хүрээлэн ТББ-тай хамтран “Хөгжлийн бэрхшээлтэй хүүхдийн гэрэлт ирээдүй” төслийг хэрэгжүүлэхээр болжээ. Уг төсөл 1,5 жилийн хугацаатай хэрэгжих юм байна.

“Хөгжлийн бэрхшээлтэй хүүхдийн гэрэлт ирээдүй” төслийн зорилго нь нийгмийн халамж дэмжлэг туслалцаа зайлшгүй шаардлагатай, хөгжлийн бэрхшээлтэй хүүхдүүдийн нийгэмд оролцох оролцоог нэмэгдүүлэх, тулгамдаж буй асуудлыг шийдвэрлэх, тэднийг цаашид хөгжих боломж бололцоогоор хангахад оршиж байгаа гэдгийг албаныхан дуулгалаа. Дашрамд дуулгахад, эхний ээлжинд дүүргээс сонгогдсон зорилтот хороо, сургууль, цэцэрлэгийн хөгжлийн бэрхшээлтэй хүүхдүүдийн дунд төслийг  хэрэгжүүлэхээр болжээ.

Г.Эрдэнэзул fact.mn