Нэгэн удаа үсээ засуулахаар цэцэгчин үсчин дээр иржээ

Нэгэн удаа үсээ засуулахаар цэцэгчин үсчин дээр иржээ. Мөнгөө төлөх ээлж ирэх үед үсчин түүнд хандан үнэгүй хэмээн хэлжээ. Цэцэгчин ч талархснаа илэрхийлээд, яваад өгч. Маргааш өглөө нь үсчин ажилдаа иртэл, хаалганы өмнө талархлын захиа болон 12 ширхэг сарнай байхыг олжээ.
Дараа нь талхчин үсээ засуулсан ба мөнгөө төлөх гэтэл үсчин : “Би мөнгө авахгүй. Энэ долоо хоногт хүмүүсийн үсийг үнэгүй засахаар шийдсэн” хэмээн хэлэв. Талхчин ч сэтгэл дүүрэн яваад өгч. Маргааш нь үсчин ажилдаа иртэл хаалганы
дэргэд талархлын захиа болон 12 ширхэг бялуу байгааг олж авчээ.
За тэгээд, засгийн газрын гишүүн үсээ засуулаад мөнгөө төлөх гэтэл үсчин нөгөөхөө л хэлсэн аж. Гишүүн ч баярлаад яваад өгч.
Үсчин маргааш өглөө нь ажилдаа иртэл гадаа нь 12 гишүүн,15 зөвлөх ,хотын даргын эхнэр болон тэдний 6 хүүхэд үнэгүй үсээ засуулахаар хүлээгээд зогсч байв.