УБТЗ-ЫН ХАНГАМЖИЙН АЛБАНЫ ДАРГЫГ ЦАГДАН ХОРЬЖЭЭ

Авлигатай тэмцэх газраас Улаанбаатар төмөр замын хангамжийн албаны дарга Г.Энхсайханыг цагдан хорьсон талаар эх сурвалж мэдээллээ.

Тодруулбал Г.Энхсайхан нь Улаанбаатар төмөр замын хангамжийн албаны даргаар ажиллах хугацаандаа байгууллагын худалдан авах үйл ажиллагаанд өөрийн танил, хамаарал бүхий компаниудад илт давуу байдал бий болгож, гэрээ байгуулан, тэднээс хээл хахууль авсан гэмт хэрэг үйлдсэн хэмээн үзэж шалгаж байгаа аж. Түүнийг Эрүүгийн хуулийн тусгай ангийн 265.2, 268.2 -д зааснаар яллагдагчаар татагджээ. Эх сурвалж Г.Энхсайханг ШШГЕГ-ын 461-р ангид цагдан хорьсон гэх мэдээллийг өгч байна.

olloo.mn