Дэлхийн хамгийн өндөр настан

Индонезийн өндөр настан Мбах Гото өөрийгөө 1870 оны арванхоёрдугаар сарын 31-нд төрсөн хэмээн баталдаг гэнэ. Тэрбээр хориод жилийн тэртээгээс өөрийнхөө үхэлд бэлтгэж эхэлсэн аж. 1992 онд шарилын чулуугаа захихдаа орон нутгийн эрх баригчдад дээрх он, тооллыг хэлжээ.

Өндөр настны хэлснээр, түүний 10 ах, эгч болон дөрвөн ч эхнэр нь хорвоогийн мөнх бусыг үзүүлсэн гэнэ. Төрсөн хүүхдүүд нь хүртэл хэдийнэ тэнгэрийн оронд заларсан аж.

Мбах Гото өдгөө ач, ачинцар, жичүүдийн хамт амьдран суудаг бөгөөд өндөр наслахын нууцыг тэсвэр, тэвчээртэй байхад оршдог хэмээн өгүүлжээ.

Гэхдээ түүнд төрсний гэрчилгээ байхгүй тул дэлхийн хамгийн өндөр настанд тооцогдох боломжгүй юм. Дэлхийн хамгийн өндөр настнаар 122 настай франц хатагтай Жанна Кальманыг тооцдог аж.

Эх сурвалж www.wikimon.mn