Д.Медведев олимпоос медаль авсан бүх тамирчиндаа “BMW” автомашин бэлэглэлээ

ОХУ-ын шигшээ багийн тамирчид “Рио-2016” олимпоос 19 алт, 18 мөнгө, 19 хүрэл медаль хүртэж, багийн дүнгээр IV байрт шалгарсан билээ.

Тэгвэл ОХУ-ын Ерөнхий сайд Д.Медведев Риогийн олимпоос медаль авсан тамирчдадаа “ВMW” загварын автомашин бэлэглэв.

Тодруулбал, алтан медаль авсан тамирчин “BMW X6”, мөнгөн медалийн эзэн “BMW X5”, хүрэл медалиар энгэрээ мялаасан тамирчин “BMW X3” автомашинаар шагнууллаа.

Мөн Орос улс олимпоос медаль авсан тамирчинг урамшуулах журмынхаа дагуу алтан медалийн эзэнг 4 сая, мөнгөн медаль авсан тамирчинг 2.5, хүрэл медалийн эзэнг 1.7 сая рублийн урамшуулна.