Аваргуудын лигийн хэсгийн сугалаа явагдлаа

Европын хөлбөмбөгийн холбооны клубүүдийн дунд зохион байгуулагддаг Аваргуудын лигийн хэсгийн сугалаа өчигдөр явагдлаа.

2016-2017 оны тэмцээний үхлийн гэж нэрлэгдэх хэсэг нь Ювентус, Севийя, Лион, Динамо Загреб клубийн Н хэсэг хэмээн мэргэжилтнүүд тодорхойлж байна. Харин Барселона, Ман Сити С хэсгээс төвөггүй 16-д шалгарах магадлалтай бол А хэсгээс ПСЖ, Арсенал тэргүүлэх боломжтой.

Аваргуудын лигт анх удаа оролцох гэж буй Лэйстер сити клуб G хэсэгт Порто, Клуб Бруг, Копегаген клубүүдтэй тоглохоор болсон байна. Тэгвэл Е хэсэг “алтан дундаж”-уудын хэсэг хэмээн нэрлэгдэж байгаа аж. Тус хэсэгт ЦСКА Москва, Ливеркузен, Тоттенхэм, Монако клубүүд багтжээ.

Аваргуудын лигийн хэсгийн тоглолтууд энэ сарын 13, 14-нд эхэлж, 2017 оны зургадугаар сарын 3-нд Уэлсийн Кардифф хотын “Мянганы цэнгэлдэх”-д шигшээ тоглолт явагдана.