АВТОМАШИНЫ ҮНЭ 1-1.5 САЯ ТӨГРӨГӨӨР НЭМЭГДЖЭЭ
Хүмүүс өвөл цагт унах унаагаа одооноос бэлдэж засварлаж, сольж худалдан авдаг нэг ёсны бидний хэлдгээр “сезон” нь эхэлж байгаа билээ. Тэгвэл автомашин худалдан авагчийн хамгийн их очиж үйлчлүүлдэг газар буюу “Да Хүрээ‘’ зах 16-р хороолол дахь авто машинууд ямар үнэ ханштай байгааг судаллаа. Авто машинд ноогдох албан татвар болон долларын ханшийн нөлөөгөөр энэ оны зургаадугаар сарын дунд үе хүртэл тогтвортой байсан авто машинуудын үнэ нэг сая төгрөгөөс нэг сая таван зуун мянган төгрөгөөр нэмэгджээ.
Энэ талаар “Да Хүрээ” техникийн зах дээр автомашины ченж Б.Эрдэнэчимэгээс тодруулахад, “Доллар, юанийн ханшийн тогтворгүй байдал машины үнэд нөлөөлж байна. Гэхдээ иргэдийн худалдан авах чадварын хувьд санасныг бодвол гайгүй байна. Гадуур хүмүүс ченжүүдийг энэ будлиантай үеийг ашиглаж үнийн хөөрөгдөл бий болгож байгаа гэдэг нь худлаа. Угаасаа энэ ханшийн өөрчлөлт, гаалийн татвар зэргийг нь бодоод үзвэл яах аргаггүй ийм үнэ гарч ирэх нь ойлгомжтой шүү дээ. Бас бид өмнө нь ч тэр, одоо ч тэр ашгаа урьд байснаараа л нэмж байгаа. Энэ бүхнийг зарим иргэд сайн ойлгоосой гэж бодож байна” гэв.
Бид энэ удаад хүмүүсийн хамгийн их сонгон худалдан авдаг хосолмол хөдөлгүүрт буюу ‘’Hybrid’’ автомашин, ‘’жийп’’ болон бусад эрэлттэй байгаа авто машинуудын зах зээлийн үнэ ямар байгааг хүргэж байна.
| ЗАГВАР | ҮЙЛДВЭРЛЭСЭН ОН | ҮНЭ | |||
| Prius 10 | 2003 он | 8- 10сая | |||
| Prius 11 | 2000 он | 9-11сая | |||
| Prius 20 | 2007 он | 11-14сая | |||
| Prius 30 | 2010 он | 12.6-16сая | |||
| Chaser | 2000 он | 6-7сая | |||
| Camry | 2012 он | 19-21сая | |||
| Crown | 2001 он | 8-13сая | |||
| Sonata7 | 2010 он | 8-12сая | |||
| Harrier | 2007 он | 22-24сая | |||
| Lexus RX 400h | 2007 он | 30-35сая | |||
| Lexus LX 570 | 2010 он | 95-100сая | |||
| Land Criuser 200 | 2014 он | 90-110сая |
Өдрийн сонин
Б. УЯНГА
Б. МӨНГӨНСОР
URL:
