Мандах сумын Хаан банкыг дээрэмдсэн этгээдүүд Сайхандулаан сумыг дайран өнгөрчээ

Мандах сумын Хаан банкыг дээрэмдсэн гэх этгээдүүд өчигдөр орой Сайхандулаан сумын хүн эмнэлгээс бензин аваад явсан тухай тус эмнэлэгт байсан сахиур хэлж байна. Тэд нүүрэндээ цагаан маск зүүсэн төдийгүй агаарт нэг удаа хий буудаж хүмүүсийг сүрдүүлэн унаж явсан мотоциклдоо бензин хийгээд зугтжээ.

Харин албан бус эх сурвалжийн мэдээлж буйгаар Сайншандаас 90 км хавьцаа Хүрээтийн ус хэмээх газраар явсан гэх мэдээлэл байна. Одоогоор эрэн сурвалжлах ажиллагаа үргэлжилж байна. Тэднийг 19-20 насныхан байж болзошгүй гэж дуу хоолойг нь сонссон иргэн ярьжээ.