Цэргийн сургуулилтын танк гүүрнээс унаж 3 цэрэг амиа алджээ

Тайванийн хуягт танк өчигдөр 3 метр өндөр гүүрнээс унасан байна. Танканд цэргийн сургуулилтаас буцаж явсан 5 цэрэг байсан бөгөөд 3 нь амь насаа алджээ.

Си Эм 11 хуягт танк ширүүн бороо орох үед гүүрээр гарах гэж байгаад Пиндун хотын Вангша голд унасан байна. Танкинд сууж явсан 5 цэрэг цэргийн хуаран руугаа буцаж явж байжээ. Танкны жолооч болон ахмад нь амьд үлдсэн бол үлдсэн 3 цэрэг нь амьсгал хураасан байна. Цэргүүд наймдугаар батальоных бөгөөд ирэх 7 хоногт болох цэргийн сургуулилтын бэлтгэлийг хийж байжээ. Тайванийн ерөнхийлөгч Цаи Ин-вэн цэргүүдэд эмгэнэл илэрхийлж, ослын шалтгааныг яаралтай илрүүлэхийг шаардсан байна.