Л.Отгонбаатарын зүүн мөрний шөрмөс тасарч, мах нь ханзарсан ч тэмцээнээ дуусгажээ

Бразилийн Рио Де Жанейро хотноо үргэлжилж буй зуны олимпийн наадмын жүдо бөхийн эрэгтэйчүүдийн 90 кг жинд Л.Отгонбаатар хүрэл медалийн төлөөх барилдаанд юуко үнэлгээгээр ялагдсан. Сүүлийн хоёр минутанд идэвхи муутай барилдсан нь ямар нэг учиртай гэсэн үзэгчдийн таамаг зөв болж манай тамирчны зүүн мөрний шөрмөс тасарч, аяганы хүүдий урагдсан, мах нь ханзарсан гэх эмнэлэгийн дүгнэлт гарчээ. Манай бөх хүрэл медалийн төлөөх барилдаанд БНХАУ-ын бөхтэй оноолт таарч, гарч ирсэн даруйдаа хүнд гэмтэл авсан ч тэмцээнээ дуусгаж чадсан байна. Тэрээр маргааш Рио хотноо хагалгаанд орохоор болжээ.