Б.Насанбаяр, өмгөөлөгчийн хамт шүүх хуралд ирсэнгүй

Нийгэм даяар дуулиан тариад байсан Мүүний шашны гаж урсгалыг дэлгэрүүлсэн, эс дэлгэрүүлсэн гэх маргааны эзэд гэгддэг “Цэрэнтурс” компанийн захирал Э.Цэрэндолгор, БСШУЯ-ны Стратеги, бодлого зохицуулалтын газрын дарга Б.Насанбаяр нарыг шүүх хурал өнөөдөр 09.00 цагт товлогдоод байсан. Тэгвэл шүүх хурал наймдугаар сарын 26-ныг хүртэл хойшилжээ. Учир нь өнөөдрийн шүүх хуралд Б.Насанбаяр болон түүний өмгөөлөгч ирээгүй байна.

Шүүх хурал наймдугаар сарын 26-ныг хүртэл хойшилжээ. Учир нь өнөөдрийн шүүх хуралд Б.Насанбаяр болон түүний өмгөөлөгч ирээгүй байна.

Шүүх хуралд ирээгүй шалтгаанаа Б.Насанбаяр “өөрөө хоолны хордлогод орсон, өмгөөлөгч нь хөдөө орон нутагт ажилтай яваа” гэж тайлбарлажээ. Тиймээс шүүхээс Э.Цэрэндолгорт хурлыг хойшлуулах хүсэлт тавьсныг тэрээр зөвшөөрсөн байна.

Энэ талаар Э.Цэрэндолгор өөрийн цахим хуудастаа “Монголд Мүүнийхэн тодолголтой гаж урсгалын хамгийн том төлөөлөгч болох Б. Насанбаяр өөрийн нэр төр хохирсон гэж нэхэмжилж байна. Энэ бол Монгол дахь гаж урсгалынхны нөлөөг нийтэд илчилсэн иргэн Цэрэндолгорын эсрэг үүсгэсэн шүүх ажиллагаа. Насанбаяр ажил албаа алдан хохироогүй ба өөрөө өөрийгөө Мүүнтэй холбоогүй намайг гүтгэлээ, би хохирлоо хэмээн цацсаар өөрийгөө хүнд байдалд оруулсан хүн. Ахин 14 хоног хүлээх нь… Миний харсан хагас дутуу авсан баримт 860 хуудас боловч цаана нь өшөө олон баримт нэхэмжлэгч гаргаж. 2016.08.11 10.53 минут” хэмээн бичжээ.

Мөн өчигдөр тэрээр “Боловсролын Яамны Стратеги Бодлого төлөвлөлтийн газрын дарга Б.Насанбаяр өнгөрсөн 3 сард Хэвлэлийн бага хурал хийлгэж орон даяар цацахдаа ажлаасаа гарахаа албан ёсоор мэдэгдэж, өөрийг нь санаатай гүтгэсэн БҮХ ХҮМҮҮСИЙГ шүүхэд өгнө гэж мэдэгдсэн. Фэйсбүүкчид иргэн Цэрэндoлгoрын араас шүүхэд дуудагдахад бэлдэнэ биз ээ. Иргэн Цэрэндoлгoрын эсрэг 860 гаруй хуудас баримт ирүүлсэн ба өөрийгөө улс төрийн зохион байгуулалттай хэргийн хохирогч мэтээр ярилцлага өгсөөр байна.

Нийслэлийн Иргэдийн Төлөөлөгчийн Газар, Хууль Зүйн яаманд ирсэн бүх мэдээлэлээр, мөн олон тооны гэрчүүд гэрчилж баталсаар байхад Насанбаяр нь сонгуультай холбоотойгоор намайг гүтгэсэн хэмээн илтэд худал цуу тарааж, иргэн Цэрэндoлгoрын эсрэг гүтгэлэг хийсээр байгаа. Тэрээр ажлаа хийсээр байгаа болно. Ард нь том нам, улс төр бүлэглэл, фракци, хөрөнгө мөнгө хуульчид үйлчилдэг байж болно. Гэхдээ үнэнд гүйцэгдэх өдөр ирж л таараа. Дашрамд хэлэхэд та яагаад дуугай болчихов? Мүүнийхэн яасан бэ? гэх улсуудад. Би дуугуй болоогүй. Хууль зүйн яамны гаргасан дүгнэлт, тайланг шинэ засгийн газрийн бүрэлдэхүүн танилцан арга хэмжээ авах тэр өдөр холгүй хэмээн итгэж суугаа. 2016.08.10” хэмээсэн байв.

eagle.mn