Хонконгийг хар салхи дайрлаа
Хонконгийг 145 км/ цагийн хурдтай “Нида” хэмээх хар салхи дайран өнгөрсөн талаар “www.wyff4.com” мэдээллээ.
Хар салхи дайран өнгөрөхөөс урьтаж эрх баригчид нийтийн тээвэр, метро болон галт тэрэгний үйл ажиллагааг түр зогсоож, иргэдийг шаардлаггүй бол автомашинаасаа татгалзахыг уриалсан байна.
Хонконгтийн агаарын тээврийн компаниуд өчигдрөөс эхлэн үйл ажиллагаагаа түр зогсоосон билээ.
Хар салхи замдаа таарсан автомашин, мод, замын тэмдгийг авч шидэж байсан талаар “CNN” агентлаг твиттер хуудсаараа дамжуулаг мэдэгджээ.
Хонконгийн эрэг хавьцаа 4-5 метрийн өндөртэй давалгаа үүсчээ. Уг хар салхи Хонконгт хэр хэмжээний хохирол учруулсан талаарх мэдээллийг Гамшгаас хамгаалах төв өгөөгүй байна.
“Нида” хар салхи одоо Тайванийг чиглэж байгаа талаар АНУ-ын Цаг уурын хүрээлэнгээс сануулсан аж.
URL:
