МҮОНРТ-ийн орчимд, Толгойтод агаарын чанар “Маш их бохирдолтой” гарчээ

ОХУ-ын Сибир, Байгаль далайн орчимд асч буй ойн түймрийн утаа манай улсад орж ирээд байгаа юм. Түүнчлэн агаарын чанарын мэдээлэл анхаарал татаж буй. Тэгвэл Цаг уур, орчны шинжилгээний газраас өчигдрийн байдлаар гаргасан мэдээлэлд Улаанбаатар орчмын агаарын нөхцөл байдал ямар байгаад анхаарал хандуулъя.

Агаар чанарын үзүүлэлт нь 500-аас дээш гарсан үед аюултай бүсэд хамрагддаг. Ийм байршилд байгаа иргэдийн хувьд хамгийн түрүүнд гэрээсээ гарахгүй байх шаардлагатай. Мөн цэвэр агаарт гарах хэрэгтэй.

За харин хаана ямар байгааг үзвэл Амгалан орчимд агаарын чанарын үзүүлэлт 236 буюу “Бага зэргийн бохирдолтой” гарсан бол МҮОНРТ-ийн орчимд 741, Толгойтод 790 буюу “Маш их бохирдолтой” гэсэн үзүүлэлт гарчээ. Улаанбаатар хотын баруун зах буюу Нисэх орчимд 43 буюу “цэвэр” гэсэн чанарын мэдээлэл байна.

Сибир, Байгаль далайн орчимд асч буй ойн түймрийн 100 орчим голомт байгаа гэх мэдээлэл бий. Хил залгаа нутгуудад ойн түймэр их хэмжээгээр гарч байгаа тул зуны амралт эхэлсэн эдгээр өдрүүдэд аялагчдыг сонор сэрэмжтэй байхыг анхааруулж байна.  Ус, цаг уур, орчны судалгаа, мэдээллийн хүрээлэнгийн мэдээлснээр хиймэл дагуулын зургаас харахад түймрийн утаа зөвхөн Улаанбаатарт бус бусад орон нутагт ч мэдэгдэхүйц хэмжээнд байгаа юм байна.