Өнөөдөр болох зарим үйл явдлууд

09:00 цагт Төрийн ордны Их танхимд Ерөнхийлөгч АСЕМ-н Түмний чуулганд үг хэлнэ.

11:00 цагт Зууны мэдээ сонины Үндэсний мэдээллийн төвд УИХ-ын 18 дугаар тойрогт гарсан сонгуулийн ноцтой зөрчил, СЕХ-ны ажлын албаны дарга Д.Баяндүүрэнтэй холбоотой асуудлаар Завхан аймгийн иргэдийн төлөөлөл мэдээлэл хийнэ.

11:00 цагт Хангарди ордны 14 давхрын хурлын танхимд Нийслэлийн ИТХ-ын анхдугаар хуралдаан болно. Хуралдаанаар Нийслэлийн ИТХ-ын сонгууль явуулсан дүн, бүрэн эрхийг зөвшөөрөх тухай, нийслэлийн ИТХ-ын даргыг сонгох, нийслэлийн ИТХ-ын Тэргүүлэгчдийн тоог тогтоож, Тэргүүлэгчдийг сонгох, нийслэлийн Засаг дарга бөгөөд Улаанбаатар хотын Захирагчид нэр дэвшүүлэх тухай асуудлыг хэлэлцэнэ.

18:00 цагт Чингис хаан зочид буудлын хурлын танхимд “Хот ба хөдөөгийн боловсролын ялгаа” бодлогын чуулган болно.

АНУ-ын Өмнөд Калифорниагийн Их сургуулийн Майк Курб коллежийн хөгжмийн боловсролын профессор Dr. John Lee Whitener, Багшийн мэргэжил дээшлүүлэх институтийн урилгаар Монгол улсад хүрэлцэн ирж, “АНУ-н ЕБС-н хөгжмийн боловсрол” сэдэвт сургалтыг зохион байгуулах гэж байна. Сургалтад хөдөө орон нутаг болоод Улаанбаатарын ЕБС-ийн хөгжмийн багш нар хамрагдана.