Эрчим хүчний мега төсөл хөдөллөө

Тавантолгой цахилгаан станцыг барьж босгоход манай үндэсний компаниуд шийдвэрлэх үүрэгтэй оролцоно. Бүтээн байгуулалтад 3000 гаруй ажилчид оролцохын олонх нь монголчууд байх юм. Энэ станц ашиглалтад орсноор улсын төсөвт татвар, хураамж хэлбэрээр жил бүр 150 тэрбум хүртэл төгрөгийн орлого орохоос гадна, Оюутолгойн эрчим хүчний импортод төлж буй 200 сая ам.долларын эх үүсвэр дотоодын эдийн засагт үлдэж, олон зуун том жижиг аж ахуйн нэгжүүд төслийн үр шимийг хүртэхийг Монгол Улсын сайд М.Энхсайхан хөрөнгө оруулалтын гэрээнд гарын үсэг зурах үеэр дуулгалаа.

Уг төслийн хөрөнгө оруулалтын гэрээнд Монгол Улсын Засгийн газрыг төлөөлж Монгол Улсын сайд М.Энхсайхан, төслийн компанийг төлөөлж “Тавантолгой цахилгаан станц” ХХК-ийн гүйцэтгэх захирал Т.Мөнхтөр, Хөрөнгө оруулагчийг төлөөлж “М-Си-Эс пауэр” ХХК-ийн ерөнхий захирал Ш.Мөнхбат нар өнгөрсөн амралтын өдөр гарын үсэг зурсан. Энэ үеэр Ерөнхий сайд Ч.Сайханбилэг Монгол Улс бизнест эргэж ирснийг гэрчлэх бас нэг том үйл явдал тохиож буйг онцоллоо. Төрөөс эрчим хүчний салбарт баримтлах бодлогын баримт бичигт 2023 он гэхэд Тавантолгойн цахилгаан станц байгуулахаар тусгасан. Нэг тэрбум ам.долларын хөрөнгө оруулалттай төслийн үр дүнд Оюутолгой төсөлд шаардлагатай эрчим хүчийг дотоодоосоо нийлүүлэх замаар импортын эрчим хүчинд зарцуулах мөнгөн урсгалыг дотооддоо үлдээх, ажлын байр шинээр бий болгох, бүхэлдээ Өмнийн бүсийн үнэ цэнийг өсгөж, гадаадын хөрөнгө оруулалтыг татах ач холбогдолтойг дахин тодотголоо. Уг төслийг Монгол Улсын Япон улсын “Марубени” корпорац, үндэсний “М-Си-Эс” компанитай хамтран хэрэгжүүлэх юм.

Мөн Тавантолгой цахилгаан станцын хөрөнгө оруулалтын гэрээ байгуулж байгаа энэ цаг үе нь Монгол Улс болон Япон Улсын хооронд байгуулсан эдийн

засгийн түншлэлийн хэлэлцээр хэрэгжиж эхэлж байгаа үетэй давхцаж буй нь хэлэлцээрийн үр дүнг баталгаажуулах эхний том төсөл гэдгийг Ерөнхий сайд онцоллоо. Тавантолгой цахилгаан станцын Хөрөнгө оруулалтын гэрээ байгуулах хэлэлцээр хийх ажлын хэсгийг Монгол Улсын сайд М.Энхсайхан ахалсан. Монгол Улсын сайд М.Энхсайхан “Монгол Улсад анх удаа IРР буюу бие даасан эрчим хүч үйлдвэрлэгч зарчмаар ажиллах хувийн хэвшлийн цахилгаан станцыг төслийн санхүүжилт хэлбэрээр барьж байгуулан, үйлдвэрлэсэн эрчим хүчээ томоохон бүтээн байгуулалтад, мөн улсын нэгдсэн сүлжээнд

нийлүүлэх төслийг хэрэгжүүлнэ. Энэхүү төсөл Засгийн газраас ямар нэг баталгаа, барьцаа шаардахгүй, хувийн хэвшил бүх эрс длээ өорөө дааж, тэрбум гаруй долларын хөрөнгө оруулалт хийж буйгаараа онцлогтой” гэв. Улмаар IРР төсөл анх удаа хэрэгжиж байгаа учраас шинэ ойлголтууд, шинэ зохицуулалт, шинээр мэдэх, сурах зүйлс чамгүй их гарч байгааг хаа хаанаа ойлгох нь зүйтэй. Үүнтэй уялдуулан цаашид хууль эрх зүйн орчныг улам боловсронгуй болгох шаардлага зүй ёсоор урган гарч байгаа нь хэлэлцээрийн явцад ажиглагдсан. Цаашид энэ чиглэлд анхаарлаа хандуулан ажиглах болно гэдгээ М.Энхсайхан сайд хэлсэн юм.

Д.МЯГМАР /ҮНДЭСНИЙ ШУУДАН/