АСЕМ-ийн үеэр л “өршөөгөөсэй”

Зуны анхны гэхээр усархаг бороонд Улаанбаатар хотын зам маань чанараа харуулж дахиад л шалгалтад бүдэрчихлээ. Төвийн замууд гэлтгүй хотын төвийн Баянбүрд, 100 айл, 32-ийн тойргийн айлууд үерт автаж нийслэлийн онцгой байдлын газрынхан ажиллаж арайхийн уснаас аварлаа. Энэ удаагийн Засгийн газрын эрх баригч хүчин болох АН-ынхны сонгуульд оролцож байгаа гол хөзөр нь нийслэлийн автозамын бүтээн байгуулалт. Гэтэл автозамаа ус зайлуулах, хоолой хийхгүйгээр халтуурддаг нь эцэстээ нийслэлийн тэр чигт нь усанд автуулж байгаа нь тэр. Өвөлд нь уран гулгалтаар, зунд нь усанд сэлэлтээр хичээллээд дасчихсан нийслэлчүүдийн эрх ашиг ч өнгөрч. Сүр дуулиан болгож хамаг байдгаа барьж тэмдэглэхээр болсон АСЕМ-ийн өдрүүдэд нийслэлд бороо өчигдөр өнөөдрийнх шиг орвол яаана вэ. Зочдоо машинтай нь төв гудмаараа усанд сэлүүлж, машинаас нь өргөж буулгах уу. Яаах вэ. Хотын удирдлагуудаа.

Багагүй мөнгө төсөвлөж замаа зассан хэрэг ингэж гарах гэжүү?

Д.СҮРЭН