Озэки Харумафүжи өнөөдөр хуримлана

Японы Мэргэжлийн сумогийн озэки Харумафүжи өнөөдөр хуримын ёслолоо хийх юм байна. Тэрээр жил орчмын өмнө үрийн зулай үнэрлэж, бүл нэмсэн билээ. Түүний хуримын ёслол Токиод сумогийн нарийн дэг жаягийн дагуу болж өнгөрөх гэнэ. Монголоос гэрлэгсдийн хоёр талын 30 гаруй хүн урилга хүлээн авч, хуримд оролцохоор хүрэлцэн очоод буй юм байна. Озэки Харумафүжигийн эхнэр М.Баттуул долоо хоногийн өмнө охиныхоо хамт хадам ах Д.Лхагвадоржийнхоо хуримд оролцоод буцжээ. Д.Бямбадорж маань монгол эрийн ёсоор ирэх жилийн налгар сайхан цагаар Монголдоо хуримаа хийхээр төлөвлөжээ.

Д.Эрдэнэтуяа