Л.Эрдэнэчимэг гишүүн булхайгаа дэлгэлээ ОДОО…

Өчигдөр УИХ-ын гишүүн Л.Эрдэнэчимэгийн бичлэг цахим ертөнцийг доргиолоо. Ямартаа ч илчилсэн, илчлүүлсэн, бичсэн, бичүүлсэн гээд л хэн нэгнээ дээш доош нь татсан улстөрийн сонгуулийн шоу үргэлжилсээр байна.

Тэгвэл Г.Уянга гишүүн өөрийн гар утсаа алдсан гэж мэдэгдээд байгаа. Харин Л.Эрдэнэчимэг гишүүн маань “ямар ч бичлэг, мэдэхгүй, үзээгүй хараагүй гээд байгаа. Мөн Х.Бат-Ялалт өөрөөс нь сонгуулийн ажилдаа хэрэглэх гээд мөнгө зээлье гэсэн учраас 50 сая төгрөг зээлдүүлсэн, гэтэл эргээд өөрийг нь реалити шоу шиг юманд оруулчихлаа. Нэр дэвшиж байгаа эмэгтэй гишүүдийг зориудаар ингэж байна” гэж үзэж өөрийгөө хамгаалсаар…

Харин Х.Бат-Ялалт хэлэхдээ “Гүтгэхгүй илчилж, доромжлохгүй шүүмжил. Энэ бол миний баримталдаг зарчим. Ард түмнээ хуурч ашиг хонжоо хайдаг төрийн түшээдийн үнэн нүүр царайг та бүхэнд илчилж өглөө. Хамгийн гол асуудал ердөө энэ. Архи тамхины дайсан Эрдэнэчимэг, ардын баатар Уянга нарын үнэн төрх энэ. Нэг нь бичээд нөгөөх нь чалчаад л…. Нөгөө төрийн ордны харуул хамгаалалт хаана байдаг юм бэ? Бүгдээрээ согтуу!!! Архи үнэртүүлэх нь байтугай чөлөөт хувцастай хэмээн нэвтэрч чаддаггүй төрийн ордон минь юу болж хувирсан юм бэ?

Эмэгтэйчүүдийн үйлдсэн зөрчлийг илчилж болдоггүй гэдгийг мэдсэнгүй. Миний, бид бүгдийн амь амьдрал, хувь заяаг атгаж буй эрхэм төрийн түшээдийн эрээ цээргүй үйлдлийг хараад тэвчиж сууж чадсангүй. Миний бие та бүхэнд улс төрчдийн увиагүй үйлдлийг баталгаатай баримт нотолгоотойгоор дэлгэлээ. Намайг юу гэж хэлэх, доромжлох чинь надад огт сонин биш. Өөрийн амьдралын 10 жилийг зарцуулан та бүхэнд шударга нийгмийг авч ирэх гэж хайртай бүхнээ золиослон тэмцсэн миний тэмцэл мохохгүй ээ. Өнөөдрийн болсон үйл явдлыг эрүүл ухаанаар тунгаах олон хүн байгаад талархаж байна. Та бүхэн дараах 2 зүйлд анхаарлаа хандуулах хэрэгтэй. Үүнд:1. Төрийн түшээд төрийн ордондоо ингэж л биеэ авч явж, өөрсдийнхөө баталсан хууль дүрмээ уландаа гишгэж Монгол төрийг бузарлаж суудаг юм байна.!!!!2. Өөрсдийн хар үйлээ нуун далдлахын тулд юугаа ч хайрлахгүй өгдөг юм байна.!!!! Энэ тухай бид бүхэн ярилцдаг атлаа баримт нотолгоотой нэг ч факт дэлгэж байгаагүй. Харин энэ удаа бид дэлгэлээ….. Эх орон чинь бутарч, ард түмэн чинь ядарч байхад юун жудаг. Тэр жудгаа улс төрчид, эрх баригчдаасаа асуух хэрэгтэй. Бүхнийг цаг хугацаа дүгнэдэг. Тиймээс цаг хугацаанд даатгаад дүгнэлтийг үлдээе.” хэмээсэн байна.

Ийнхүү сонгуулийн сурталчилгаа эхэлсэнтэй холбоотойгоор нэр дэвшигчид нэгнийгээ замаасаа зайлуулах гэсэн хари PR-ыг идэвхитэй хийж байна гэж харах хүмүүс их байна.

Гэхдээ ямар ч байсан төрийнхөө хуулийг төрийн ордон дотроо хүндлэхгүй байж ард түмнээс хэрэгжүүлэхийг шаардаад, санаачилсан миний авторын хууль хэмээн нүүр улайхгүй суугаа Л.Эрдэнэчимэг гишүүн одоо нэрээ татвал арай ухаалаг харагдах болов уу?

Эх сурвалж: www.bolod.mn

ЧОЙ