Сураггүй болсон онгоцны хэлтэрхийг олжээ

Мадагаскарын зүүн эргээс хоёр жилийн өмнө сураггүй алга болсон Малайзын “МН370” онгоцны хэлтэрхийг нэгэн аялагч олсон талаар “www.dailymail.co.uk” мэдээллээ.

Блэйн Гибсон гэгч онгоцны суудал болон далавчны хэлтэрхийг олжээ. Мөн нэг хэлтэрхий дээр “МН370” хэмээн бичсэн байсан хэмээн Гибсон “AFP” агентлагт ярьсан байна.

Гибсон дээрх хэлтэрхийнүүдийг Малайзын Тээврийн яам руу илгээжээ. АНУ-ын иргэн өнгөрсөн хоёрдугаар сард Мозамбикийн эргээс онгоцны хэлтэрхийг олсон билээ. Уг хэлтэрхийнүүд “МН370”-ийнх болохыг албаныхан баталсан юм.

239 зорчигчттэй “МН370” онгоц өнгөрсөн 2014 оны гуравдугаар сарын 8-нд Куала Лампураас Бээжингийн чиглэлд нислэг үйлдэж явахдаа сураггүй алга болжээ.

Б.Дэлгэрцэцэг