Япон автомашины бизнес эрхлэгчид, худалдан авагчдын анхааралд

Манай улсын иргэд ОХУ-д визгүй зорчиж эхэлснээс хойш өөрийн эзэмшлийн автомашинтайгаа хилээр их гарах болсонтой холбогдуулан зарим автомашинуудаас цацрагийн бохирдол илрэх явдал гарсаар байна. Иймээс Нийслэлийн мэргэжлийн хяналтын газрын Цөмийн болон цацрагийн хяналтын хэлтсээс Улаанбаатар хотод үйл ажиллагаа явуулж байгаа авто худалдааны зах, зогсоолуудад худалдаалж буй Япон Улсаас импортлогдсон автомашинуудад урьдчилан сэргийлэх 01/180 тоот удирдамжийн дагуу цацрагийн хэмжилт хийж, болзошгүй эрсдэлээс урьдчилан сэргийлэх хяналтаа эрчимжүүллээ.

Цацрагийн бохирдолтой автомашин оруулж ирэх нь хэрэглэгчийн эрүүл, аюулгүй орчинд амьдрах нөхцлийг алдагдуулж болзошгүй ба төрийн байгууллагуудын үйл ажиллагаанд хүндрэл учруулж, бизнес эрхлэгчдэд үр ашиггүй зарлага, чирэгдэл гаргахад хүргэж байгаа тул Япон Улсаас автомашин импортлохдоо цацрагийн бохирдлын хэмжилт хийлгэсэн, цацрагийн гэрчилгээтэй автомашиныг сонгон худалдан авахыг бизнес эрхлэгчид болон автомашин захиалагч иргэдэд ЗӨВЛӨЖ байна.

Цөмийн болон цацрагийн хяналтын хэлтэс